Imantaý kólinde demalǵan tórt týrıst qaıyqpen aral mańynda qalyp qoıǵan
ASTANA. KAZINFORM — Soltústik Qazaqstan oblysy Aıyrtaý aýdany Imantaý kólinde Reseı Federatsııasynyń tórt azamaty qutqaryldy, dep habarlaıdy TJM baspasóz qyzmeti.
Demalýshylar rezeńke qaıyqpen kólde bolǵan. Qatty jel men bıik tolqyn saldarynan qaıyq aralǵa qaraı yǵysyp, nátıjesinde olar ózdiginen jaǵalaýǵa qaıta almaǵan.
Er adamdar qutqarý keýdeshelerin kıip, jaǵalaýǵa óz betterinshe júzip jetýge sheshim qabyldaǵan. Alaıda olar óz kúshteri men aýa raıy jaǵdaıyn durys baǵalamaǵan. Qatty jel men tolqyn sýda qozǵalysty edáýir qıyndatqan.
— Oqıǵa týraly habarlama alǵan qutqarýshylar jedel túrde oqıǵa ornyna baryp, tórt adamnyń barlyǵyn jaǵalaýǵa jetkizdi. Qutqarylǵandarǵa medıtsınalyq kómek qajet bolmaǵan, — delingen vedomstvo taratqan aqparatta.
Buǵan deıin Іle Alataýynda týrıstik topqa ilbis jolyqqanyn jazǵanbyz.
