Imanǵalı Tasmaǵanbetov Mınskide UQShU qyzmetiniń qorytyndysy týraly baıandaıdy
Ujymdyq qaýipsizdik týraly shart uıymynyń (UQShU) bas hatshysy Imanǵalı Tasmaǵanbetov 23 qarashada Mınskide ótetin UQShU Ujymdyq qaýipsizdik keńesiniń kezekti sessııasynda uıym qyzmetiniń qorytyndysy týraly baıandama jasaıdy. Kazinform-nyń Qyrǵyzstandaǵy menshikti tilshisiniń habarlaýynsha, sessııa jumysyna qatysatyn UQShU-ǵa múshe elder basshylarynyń qatarynda Qyrǵyz Respýblıkasynyń prezıdenti Sadyr Japarov bar.
Qyrǵyz Respýblıkasy Prezıdenti Ákimshiliginiń syrtqy saıasat bóliminiń meńgerýshisi Mýratbek Azymbakıevtiń málimetinshe, sessııa Belarýs Respýblıkasynyń prezıdenti Aleksandr Lýkashenkonyń tóraǵalyǵymen ótedi. Sessııaaralyq kezeńde Uıymnyń bas hatshysy Imanǵalı Tasmaǵanbetov UQShU qyzmetiniń qorytyndysy týraly baıandama jasaıdy.
Ujymdyq qaýipsizdik keńesiniń músheleri halyqaralyq jáne óńirlik qaýipsizdikke qatysty ózekti máselelerdi talqylap, aldaǵy mindetterdi aıqyndaıdy, sonymen qatar ujymdyq qaýipsizdik múddesin qamtamasyz etetin birqatar qujat qabyldaıdy. UQShU elderiniń basshylary uıymdaǵy Belarýs tóraǵalyǵyn qorytyndylap, Qazaqstan Respýblıkasy tóraǵalyq etetin 2024 jyly ujym qyzmetiniń negizgi baǵyttary qandaı bolatyny týraly aqparat tyńdaıdy.
Buǵan deıin habarlaǵanymyzdaı, 23 qarashada Mınsk qalasynda ótetin UQShU Ujymdyq qaýipsizdik keńesiniń sessııasyna Qazaqstan Prezıdenti Qasym-Jomart Toqaev qatysady.
