Imanǵalı Tasmaǵambetov RF Syrtqy ister mınıstri Sergeı Lavrovpen kezdesti
ASTANA. QazAqparat - Máskeýde TMD elderiniń Elshilerin dástúrli qabyldaýy aıasynda RF Syrtqy ister mınıstri Sergeı Lavrov Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi Imanǵalı Tasmaǵambetovpen kezdesti.
Bul týraly Qazaqstan Respýblıkasynyń Reseı Federatsııasyndaǵy elshiliginiń baspasóz qyzmeti habarlady.
2017 jyly Reseı Dostastyq elderi arasynda tóraǵa etý kezinde atqarylǵan jumysty qorytyndylady. Osy jyldyń josparyn keńinen talqylaǵan uıym jetekshileri, júrgizilip otyrǵan kóp baǵyttaǵy sharalardyń mańyzdylyǵyna toqtaldy. Sonymen qosa, syrtqy saıasattaǵy baılanys múmkindikterin jetildirýge de erekshe mán berildi.
Kezdesý barysynda taraptar pikir almasyp, TMD keńistiginde ıntegratsııalyq úderisterdi damytý týraly, Dostastyqtyń basqa da óńirlik uıymdarmen bolashaqtaǵy jumysy jaıynda jáne ózekti halyqaralyq problemalaryn sóz etti.
