Imanǵalı Tasmaǵambetov Reseıdiń Qazaqstandaǵy Elshisimen kezdesti

ASTANA. QazAqparat - Búgin Máskeýde Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi Imanǵalı Tasmaǵambetov Reseıdiń Qazaqstandaǵy Elshisi Alekseı Borodavkındi qabyldady, dep habarlaıdy QazAqparat QR Elshiliginiń baspasóz qyzmetine silteme jasap.

Kezdesý barysynda Qazaqstanda bıyl ótkiziletin sharalar boıynsha eki jaqty yntymaqtastyqtyń mańyzdy baǵyttary talqylandy. Ol - Astana protsesine qatysýshy garant-memleketterdiń syrtqy ister mınıstrleriniń kezdesýinen keıin ótetin sırııaaralyq kelissózderdiń 9-shy raýndy. Sonymen qatar, Kaspıı teńizine beriletin jańa quqyqtyq mártebe týraly konventsııa jobasy qaralatyn Kaspıı teńizimen shektesetin memleketterdiń 5-shi sammıti.

Kaspıı teńizine quqyqtyq mártebe berý máselesiniń mańyzdylyǵy KSRO taraǵannan keıin kóterilip keledi. Mártebesin anyqtaý ony teńiz nemese kól retinde bólinýine baılanysty bolyp otyr. Kaspııdiń ár bóligi halyqaralyq quqyq negizinde ártúrli tártipte baqylanady.

Sonymen qatar, taraptar altynshy ret ótkeli otyrǵan álemdik jáne dástúrli dinder lıderleriniń sezi jáne Qazaqstan men Reseıdiń HV óńiraralyq yntymaqtastyǵy forýmyn talqylady.