Imanǵalı Tasmaǵambetov QR Qorǵanys mınıstri bolǵan kezde nesimen este qaldy?
«Imanǵalı Nurǵalıuly Tasmaǵambetov munda sátti jumys atqardy. Men qoıǵan tapsyrmalardy naqty oryndady. Meniń Jarlyǵymmen ol Premer-Mınıstrdiń orynbasary bolyp taǵaıyndaldy. Quttyqtap, jańa qyzmet ornynda sáttilik tileımin. Bul laýazymda da júktelgen tapsyrmalardy adal jáne tolyq oryndaıtynyna senimdimin. Mınıstrliktegi atqarǵan jumysy úshin Imanǵalı Nurǵalıulyna alǵys bildirip, oǵan tolaıym tabys tilegim keledi», - dedi Nursultan Nazarbaev.
Imanǵalı Tasmaǵambetov QR Qorǵanys mınıstri laýazymyn 2014 jylǵy qazan aıynan bastap atqardy. Bul laýazymda nemen este qalǵanyn eske túsirýdi usynamyz.
Áskerı tehnıkany satyp alý men óndirý
2015 jyly QR Qarýly Kúshteriniń tarıhynda alǵash ret qazaqstandyq Áskerı-áýe kúshteri 4++ úlgidegi sý jańa joǵary manevrli kóp fýnktsıonaldyq eki oryndyq Sý-30SM joıǵyshymen, jańa Mı-171Sh kóliktik-jaýyngerlik tikushaǵymen, jańa S-295 áskerı-kólik ushaǵymen tolyqty.
Astanada «Arlan» kóp maqsatty manevrli brondy mashınalardyń, ıaǵnı, mınalar men ballıstıkalyq snarıadtardan keremet qorǵaıtyn jaýyngerlik is-qımyldardyń tótenshe manevrli aspabynyń iske qosýy retke keltirildi.
2016 jylǵy qańtardyń sońynda Qorǵanys mınıstri Imanǵalı Tasmaǵambetov Iordanııaǵa baryp, korol Abdýllah II ıbn ál-Hýseın ál-Hashımımen "Qazaqstan Paramaýnt ınjınırıng" kompanııa zaýytynyń ónimi - 50 qazaqstandyq «Arlan» brondalǵan dóńgelekti mashınasyn satý týraly ýaǵdalasty.
2016 jyldyń naýryzynda QR Qorǵanys mınıstri alǵashqy qazaqstandyq patron zaýyty qurylysynyń bastalýyna jol ashty. Atalǵan joba ázirlenip, QR QK Joǵarǵy Bas Qolbasshysynyń tapsyrmasy boıynsha iske asyrylýda.
Jaýyngerlik daıarlyq
2015 oqý jyly boıynsha QR QK-de 2208 ártúrli oqý-jattyǵý (onyń ishinde, bólimsheler men vzvodtardyń jaýyngerlik oq atýlary) ótkizildi. 2014 jyly - 1807, bul aldyńǵymen salystyrǵanda 18 paıyzǵa kóbirek. Olardyń ishinde: qarýdyń ár túrinen praktıkalyq oq atýlar kórsetkishteri 8 paıyzǵa, áýe kemelerindeshi ushýlar saǵaty 4 paıyzǵa, korabldi jaýyngerlik oqý-jattyǵýlardy pysyqtaý 12,1 paıyzǵa, áskerlerdiń dalalyq shyǵýy 32,2 paıyzǵa kóbirek boldy.
Bir jylǵy barlyq is-sharalardyń qorytyndysy boıynsha áskerlerdiń jaýyngerlik daıarlyǵynyń sany men sapasy 7,2%-ǵa artty. Barlyq oqý-jattyǵýlar josparly tártipte júrgiziledi. Ulǵaıýy jaýyngerlik daıarlyq barysynyń qarqyny jáne Qarýly Kúshterge qoıylatyn talaptarmen baılanysty.
2015 jyl elimizdiń Qarýly Kúshterinde áskerlerdiń kenetten tekserilýimen erekshelendi. Bul tekserýler tekserilgen quramalardyń jaýyngerlik ázirliginiń jaı-kúıin dáıekti baǵalaýǵa, bar problemalardy anyqtaýǵa, arnalýy boıynsha tapsyrmalardy oryndaýda komandırler men barlyq jeke quramǵa tájirıbe jınaqtaýǵa múmkindik berdi.
2016 jyl alǵash ret qoldanylǵan kóshpeli otyrystar praktıkasymen bastaldy. QR Qorǵanys mınıstri «Ońtústik» óńirlik qolbasshylyǵynyń Taraz garnızonynda kóshpeli alqa otyrysyn ótkizdi. Dabyl boıynsha Qorǵanys mınıstrligi Ortalyq apparatynyń áskerı qyzmetshileri kóterildi. Alǵash ret Ortalyq apparat áskerı qyzmetshileri jıynnan keıin Astana q áskerı bólimderi biriniń mańynda óristetilgen dalalyq lagerge jol tartty.
2016 jyldyń aqpanynda «Shyǵys» óńirlik qolbasshylyǵynyń «Shyǵys» polıgonynda QR Qorǵanys mınıstri Imanǵalı Tasmaǵambetov «Aıbalta-2016» jedel-taktıkalyq komandalyq-shtabtyq oqý-jattyǵýǵa qatysty. «Aıbalta» oqý-jattyǵýy áskerlerdiń dalalyq mashyǵyn arttyrý kúrdeli qysqy jaǵdaıda bólimder men bólimshelerdiń tolyq óristetile otyryp ótkenimen erekshelenedi. Oqý-jattyǵýǵa barlyǵy 5 myńǵa jýyq áskerı yqzmetshi tartyldy. Olar qytymyr klımattyq jaǵdaıda tabandylyqtary men tózimdilikterin kórsete bildi.
2016 jyldyń sáýirinde QR Qorǵanys mınıstri Imanǵalı Tasmaǵambetov Saryshaǵan polıgonynda ótken «Járdem-2016» arnaıy oqý-jattyǵýyna qatysty. Atalmysh arnaıy oqý-jattyǵý basqalarynan edáýir erekshelenedi jáne jetkilikti aıryqsha baǵytqa ıe. Onyń sheńberinde áskerı qyzmetshiler tótenshe jaǵdaılar kezinde apattyq saldardy bólshekteýdi júrgizedi.
Mańyzdy is-sharalar
2015 jyly QR Qarýly Kúshterinde qazaqstandyq armııa tarıhyndaǵy Uly Otan soǵysynyń 70 jyldyǵyna arnalǵan eń iri áskerler parady ótkizildi. Bul parad ótken jyldardaǵy eń kóztartarǵ aýqymdy jáne kóp sandy boldy. Oǵan elimizdiń Qarýly Kúshteriniń jeke quramy men áskerı tehnıkasynyń rekordtyq sany qatysty.
2015 jyly QR Qorǵanys mınıstri Imanǵalı Tasmaǵambetov elimizdegi QR QK áıel áskerı qyzmetshileri arasyndaǵy tuńǵysh «Batyr arýlar» baıqaýynyń bastalýyna jol ashty. Qatysýshylar ótinim berilgen sátten bastap jáne sheshýshi kezeńge deıin názik jandylar úshin qıyn bolyp keletin ártúrli kedergilerden ótti.
QR Qarýly Kúshterinde jýrnalısterge arnalǵan «Áskerı dıskýrs» praktıkalyq semınary alǵash ret bastaý aldy. Jetekshi telearnalardyń, radıostantsııalardyń, respýblıkalyq gazetter men jýrnaldardyń, aqparattyq agenttikterdiń jýrnalısteri jaýyngerlik is-qımyldar aýdanynda jumys jasaýda praktıkalyq daıyndyqtan ótip, áskerı oqıǵalardy jarııalaý erekshelikterin zerdeleıdi. «Áskerı dıskýrs» semınary 4 ret ótkizildi. 2 ret «Spassk» oqý-jattyǵý ortalyǵynda, «Tuıyq sý» alplagerinde, sondaı-aq, Kaspıı jaǵalaýynda.
2015 jyldyń 1 jeltoqsanynda Memleket basshysy - Joǵarǵy Bas Qolbasshy Nursultan Nazarbaevtyń qatysýymen elimizdiń tarıhyndaǵy tuńǵysh áskerı-tarıhı mýzeıi ashyldy. Mýzeı qorynda ejelgi dáýirden qazirgi ýaqytqa deıingi qazaq halqynyń áskerı tarıhy men mádenıeti eskertkishteriniń naqyshyn keltiretin sırek kezedesetin jáne biregeı jádigerler bar.
Elimizdiń aýmaǵyndaǵy eń aýqymdy oqıǵalardyń biri IV halyqaralyq «KADEX-2016» qarý-jaraq pen áskerı-tehnıkalyq múlik kórmesiniń ótkizilýi boldy. 4 kún ishinde qazaqstandyq jáne sheteldik qorǵanys-ónerkásibi kesheniniń barlyq kúshi men qýaty kórsetildi.
Bıylǵy jyly alǵash ret QR Qorǵanys mınıstrliginde ofıtserler úshin mańyzdy rásim generaldardy zapasqa shyǵaryp salý - Jaýyngerlik Týmen qoshtasý saltanatty rásimi ótkizildi.
QR Qorǵanys mınıstrligi men Reseı Federatsııasynyń Qorǵanys mınıstrligi tórt hattamaǵa qol qoıdy. Soǵan sáıkes Jaman-Taý, Saryshaǵan jáne Taısoıǵan synama polıgondaryn paıdalaný jáne jalǵa alý tártibi ózgerdi. Nátıjesinde paıda qazbalarynyń ken oryndary men kommýnıkatsııalar ornalasqan jalǵa alýdan 1,6 mln. ga aýmaq shyǵarylyp, Qazaqstanǵa berildi.
Jastarǵa áskerı-patrıottyq tárbıe berý
Jastarǵa áskerı-patrıottyq tárbıe berýge úlken nazar aýdaryldy. Qaraǵandy oblysynyń «Spassk» oqý-jattyǵý ortalyǵynyń bazasynda Qazaqstandaǵy alǵashqy «Aıbyn» respýblıkalyq áskerı-patrıottyq jıyny ótti.
2015 jyldan bastap Qazaqstannyń túkpir-túkpirinde «Erlik sabaqtary» ótkizile bastady. Oǵan Qorǵanys mınıstrligi men QR Qarýly Kúshteriniń áskerı qyzmetshileri belsene atsalysady. Ushqyshtar, teńizshiler jáne ózgeler qatysqan sabaqta oqýshylardy patrıotızmge, eldi maqtan tutýǵa tárbıeleý, naǵyz patrıot pen Otan qorǵaýshysy beınesin qalyptastyrý týraly áńgimelep, olardy el men óńirdiń tarıhymen tanystyrdy.
Áskerı qyzmetshilerdi baspanamen qamtamasyz etý
2016 jyldyń shildesinde Qazaqstannyń shyǵysynda Aıagóz garnızonynda 90 áskerı qyzmetshi men olardyń otbasylary jańa qonystoıyn toılady. Munda kúrdeli jóndeýden keıin turǵyn úı paıdalanýǵa berildi. Áskerı qyzmetshilerdi qyzmet atqarý oryndarynda sapaly turmystyq jaǵdaımen qamtamasyz etý búgingi tańda qyzmet baǵytynyń biri bolyp qalýda.
Armııa halyqaralyq oıyndary
2016 jyly alǵash ret Qazaqstan aýmaǵynda Armııa halyqaralyq oıyndary ótti.
Túngi jaǵdaıda oq atý úshin qatysýshylarǵa qazaqstandyq óndiristiń «Aselsan» túngi kórý kózdeýishteri usynyldy. Optıka mergenderge túngi ýaqytta oq atýǵa, sondaı-aq, saıystyń jeke sátterin túsirýge múmkindik berdi. Osy jyly alǵash ret tikeleı efırde Qazaqstan Qorǵanys mınıstrliginiń resmı saıty arqyly oıyndardyń kórsetilgeni de erekshe boldy.
Bıylǵy jyly Armııa halyqaralyq oıyndarynyń qorytyndysy boıynsha biz jalpykomandalyq ekinshi oryndy enshiledik. Álemniń 19 eliniń 120 komandasy, myńdaǵan myqty áskerı kásipqoılar, júzdegen birlik áskerı tehnıka men avıatsııa eki apta boıy óz isinde úzdik degen ataq úshin baq synasty.
Halyqaralyq qarym-qatynas
Qorǵanys mınıstrligi álemniń 42 elimen seriktestik qarym-qatynas ornatty. 12 elmen áskerı-tehnıkalyq yntymaqtastyq týraly jańa kelisim jasaldy. Olardyń ishinde Armenııa, Reseı, Belarýs, Grýzııa, Izraıl, Úndistan, Qytaı, Qyrǵyzstan, Tájikstan, Túrkııa, Ýkraına, Frantsııa.
Áskerı yntymaqtastyqqa keler bolsaq, ótken jyly Qazaqstan Qorǵanys mınıstrliginiń ókilderi 30-dan asa is-sharaǵa qatysty.
2015 jyldyń qyrkúıeginde Qazaqstandaǵy «Saryshaǵan» polıgony men Reseı Federatsııasynyń «Ashýlýk» polıgonynda «Jaýyngerlik dostastyq» TMD ÁShQQ áskerı-áýe kúshteri men áskerleriniń jaýyngerlik oq atýymen oqý-jattyǵýdyń belsendi fazasy ótti.
Uly Otan soǵysynyń 70 jyldyǵyna arnalǵan 2015 jylǵy shildeniń 24-i men tamyzdyń 1-i aralyǵynda Máskeýde ótken Áskerı-sporttyq oıyndar da ataýly is-sharaǵa aınaldy. Odan basqa, ótken jyldyń tamyzynda Qazaqstanda Qorǵanys mınıstrleri Keńesiniń Hatshylyǵy jáne TMD memleketteriniń qorǵanys mınıstrlikterimen birlese «Dostastyq jaýyngeri» áskerı tehnıkalyq sheberliktiń VII baıqaýy uıymdastyryldy.
Onyń ústine qazaqstandyq áskerıler «Dala qyrany - 2015», «Ózara is-qımyl - 2015», «Altyn úki», «Ortalyq - 2015», «Qarataý - 2015», «Qabylan joly - 2015», «Myzǵymas baýyrlastyq - 2015», UQShU-nyń UJDK jáne t.b. sııaqty mańyzdy halyqaralyq saıystarǵa qatysty.
Qarýly Kúshter serjanttar quramynyń ózge de eldermen yntymaqtastyǵy damýda. Sonymen, aǵymdaǵy jylǵy qańtardyń 26-y men 30-y aralyǵynda Astanada QR QK men AQSh QK serjanttar quramynyń sımpozıýmy ótti.
