Imanǵalı Tasmaǵambetov halyqaralyq yntymaqtastyqqa qosqan úlesi úshin marapattaldy
ASTANA. QazAqparat - Qazaqstannyń Reseıdegi elshisi Imanǵalı Tasmaǵambetov Reseı Federatsııasy Syrtqy ister mınıstrliginiń «Halyqaralyq yntymaqtastyqqa qosqan úlesi úshin» tósbelgisimen nagradtaldy, dep habarlaıdy «QazAqparat» HAA vedomstvonyń saıtyna silteme jasap.
Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi Imanǵalı Tasmaǵambetovke «Halyqaralyq yntymaqtastyqqa qosqan úlesi úshin» tósbelgisin Reseı Federatsııasy syrtqy ister mınıstriniń orynbasary Grıgorıı Karasın tabys etti.
«Reseı Federatsııasy syrtqy ister mınıstriniń sheshimimen baýyrlas Qazaqstannyń elshisi osy marapatqa elderimiz arasyndaǵy strategııalyq jáne odaqtastyq qatynastardy damytýǵa, mádenı dıalogty tereńdetýge, sondaı-aq ortaq ıntegratsııalyq birlestikter aıasyndaǵy ózara yqpaldastyqqa sińirgen eńbegi úshin laıyq dep tanyldy», - delingen saıtta.
