Imanbektiń óńdeýindegi «RÝH» beıneklıpi bir kúnde 17 myńnan astam kórilim jınady

PAVLODAR. KAZINFORM - Otan qorǵaýshylar kúni qarsańynda QR Memlekettik kúzet qyzmetiniń Prezıdenttik orkestrine qarasty «ABYROY» toby «RÝH» beınebaıanynyń tusaýkeserin ótkizdi. 

Beıneklıp QR Memlekettik kúzet qyzmetiniń Youtube platformasyndaǵy @sgork_official paraqshasynda jarııalandy.

Patrıottyq týyndyda Qazaqstannyń arnaýly jáne áskerı qurylymdarynyń jaýyngerlik kúshteriniń is-qımyly beınelengen. Ánin Janbolat Ádilov, sózin Rústem Arslanov jazǵan. Kompozıtsııany óńdeýge pavlodarlyq saýnd-prodıýser Imanbek Zeıkenov te atsalysqanyn atap ótken jón.

Jaýyngerlik rýhty shaqyratyn beıneklıpti bir táýliktiń ishinde 17 myńnan astam adam kórip úlgerdi.

Eske sala keteıik, Imanbek eki qurlyqtyń mýzykanttarymen án jazdy.