#ImanbekDanceChallenge – qazaqstandyq ártisterden jańa trend

NUR-SULTAN. QazAqparat - 2020 jyly álemge tanymal bolǵan #JerusalemaDanceChallene álemdik chellendji jańa formatqa ıe boldy. Qazaqkontserttiń Almaty qalasyndaǵy fılıaly ártisteri bul chellendjdi Imanbektiń «Roses» (Imanbek Remix) hıt áni negizinde jalǵastyrdy, dep habarlaıdy QazAqparat tilshisi.

Áserli fleshmobqa Altynbek Qorazbaev, Aıjan Nurmaǵambetova, Janna Orynbasarova, Saıa Mahambet, Bıbigúl Qılymhan, Perızat Omarbekova, Maral Anarbek, «Azııa» jáne «Melomen» toptary qatysyp, jańa obrazdarymen tańǵaldyrdy. Jańa formattaǵy chellendj pandemııa kezinde halyqqa qoldaý kórsetýge jáne kóterińki kóńil-kúı syılaýǵa baǵyttalǵan.

Uıymdastyrýshylardyń aıtýynsha, #ImanbekDanceChallenge pozıtıvke shaqyryp, adamzatty birlik pen yntymaqqa úndeıdi.

Qazaqkontsert ártisteri endigi kezekte jańa chellendjdi barlyq kontserttik uıymdarǵa joldap, ózimizdiń qazaqstandyq talanttardyń hıtterin trendke aınaldyrýǵa shaqyrady.