Imanbek trassada qalyp qoıǵan jolaýshylarǵa kómektesti
ASTANA. KAZINFORM — Qazaqstandyq dıdjeı ári prodıýser Imanbek trassada buzylyp qalǵan taksıdiń jolaýshylaryna kómek kórsetti.
Oqıǵaǵa qatysty vıdeony áleýmettik jelide jolaýshylardyń biri jarııalaǵan. Onyń aıtýynsha, olar taksımen Aqsý qalasyna bet alǵan, alaıda jolda kólik isten shyǵyp, jolaýshylar trassa boıynda qalyp qoıǵan. Sol sebepti olar ótip bara jatqan kólikterdi toqtatýǵa májbúr bolǵan.
- Bizge kómektesý úshin Imanbektiń ózi toqtady. Muny Jańa jyldyń alǵashqy kúnindegi jaqsy belgi dep qabyldadym, - deıdi vıdeo avtory.
Aıta keteıik, buǵan deıin Imanbek Respýblıka kúnine oraı «Qurmet» ordenimen marapattalǵan.
Eske sala keteıik, qazaqstandyq mýzykant Imanbek Zeıkenovtiń Saint Jhn oryndaǵan Roses kompozıtsııasyna jasaǵan remıksi 2021 jyldyń naýryz aıynda álemdik mýzykalyq marapatqa ıe bolǵan. Sol jyly mamyr aıynda ol Billboard Awards syılyǵyn da alǵan.
Al 2025 jyldyń qyrkúıeginde Imanbektiń bul marapatqa qaıta usynylǵany belgili boldy.