Imanbek-tiń jańa týyndysy shyqty

PAVLODAR. KAZINFORM - Pavlodarlyq saýnd-prodıýser Imanbek Zeıkenovtiń jańa týyndysy shyqty. «Built Different» (Ózgeshe qurylǵan) dep atalatyn mýzykalyq kollaboratsııa mádenıet jetistigi men molshylyqty sıpattaıdy.

Gremmı syılyǵynyń ıegeri Imanbek-tiń «Built Different» dep atalatyn jańa sıngly az ýaqyttyń ishinde álemge áıgili 12 mýzykalyq platformada oınap úlgergen. Mýzykalyq trek - saýnd-prodıýser Imanbek Zeıkenovtiń jáne amerıkalyq hıp-hop oryndaýshysy Rık Ross pen reseılik proıýser KDDK-tyń birlesken kollaboratsııasy.

Jastar qaýymyna unaǵan «Built Different» elektrondy bı, hıp-hoptyń jáne gangsta-reptiń elementteri bar. Sońǵy ekeýi mátinde aıqyn beriledi. Ánde mártebe, baılyq, ózin-ózi tanyp bilý, ózine senimdilik sııaqty adamnyń erekshe qyrlary sıpattalady. Osylaısha mýzyka avtorlary qaharmandar ádettegi adamdarǵa uqsamaıdy, olardyń jaratylysy bólek degen maǵynany bildirgisi kelse kerek. Vokaldyq partııalar týdyratyn áýen atmosferasy Imanbek óńdegen sazǵa jaqsy kirikken.

YouTube platformasyndaǵy beınejazbany eki kúnniń ishinde 7 myńǵa taıaý adam kórgen.

Eske sala keteıik, Imanbektiń óńdeýindegi «RÝH» beıneklıpi bir kúnde 17 myńnan astam kórilim jınady.