Imanbek Morgenshternmen birge jazǵan trektiń ańdatpasyn jarııalady
NUR-SULTAN. QazAqparat – Grammy ıegeri Imanbek Zeıkenov Morgenshternmen birlesip jazǵan trektiń ańdatpasyn jarııalady, dep habarlaıdy QazAqparat.
Qazaqstandyq dıdjeı, reseılik mýzykant jáne amerıkalyq hıp-hop oryndaýshysy Fetty Wap birlesip jazǵan kompozıtsııanyń tolyq nsuqasy 30 sáýirde jarııalanady. Bul týraly Imanbek Instagram paraqshasynda «Bir joly amerıkos, qazaq jáne evreı bas qosypty...» degen ázil aralas jazba qaldyrdy.
Reseılik mýzykant Morgenstern de Instagram paraqshasynda atalmysh trekten úzindi jarııalady.
«Imanbek, bir aptadan keıin ekinshi Grammy-di alýǵa baramyz», - dep jazdy ol.
Buǵan deıin Imanbek Sean Paul jáne Sofia Reyes-pen birlesken jańa sıngl shyǵarǵan bolatyn.
Eske salsaq, reseılik YouTube arnalardyń birine bergen suhbatynda Imanbektiń zańdy ókili Kırıll Dzham qazaq mýzykanttyń talantyn eń birinshe tanyp, reseılik menedjerdi onymen kelisimshart jasaýǵa kóndirgen Sony Music Entertainment kompanııasynyń A&R prezıdenti Volfgang Boss ekenin aıtqan edi.
