Imanbek qaıtadan Grammy syılyǵyna usynyldy

ASTANA. KAZINFORM – Qazaqstandyq dıdjeı ánshi Taichu-men birge latynamerıkalyq óner jáne ǵylym akademııasynyń syılyǵyna usynyldy.

Imanbek Zeıkenov bul týraly aqparatty óziniń Instagram paraqshasynda jarııalady.

«Latyn elektrondy mýzykasynyń úzdik oryndaýshysy» atalymy boıynsha «Ella Quiere Techno» tregine ánshi Taichu-dyń remıksi tanystyryldy.

Osy atalym boıynsha taǵy 4 trek talasady. Jeńimpazǵa daýys berý 1 qazanda bastalady. Al «Latyn gremmıi - 2025» syılyǵyn tabystaý rásimi 13 qarashaǵa josparlanǵan. Saltanatty rásim Las-Vegasta ótedi.

Aıta keteıik, Imanbek Zeıkenovtyń (Imanbek) ánshi Saint Jhn-diń tregi boıynsha shyǵarǵan remıksi «Gremmı» syılyǵyn 2021 jyldyń naýryzynda jeńip alǵan edi.

Keıinirek, ıaǵnı 2021 jyldyń mamyrynda Imanbek Billboard Awards marapatyna ıe boldy.