Imanbek áıgili brıtandyq Def Leppard tobymen trek shyǵardy
«Bul kollaboratsııa zamanaýı remeıkte klassıkalyq metall-benger jasaýǵa kómektesti. Búginde álemdik rok tarıhyndaǵy eń tanymal kompozıtsııalardyń biri jas býyn arasynda ekinshi ret, jańa mánge ıe bolady», - dep atap ótti Imanbek Zeıkenov.
Jańa mýzykalyq týyndy eklektıkany jańa deńgeıge kóterip, stılderdiń úılesimin ǵana emes, dáýirlerdi de biriktirdi. «Pour Some sugar On Me» búginnen bastap barlyq platformaǵa shyqty.
Klassıkalyq roktan slep-haýsqa extended nusqamen birtindep aýysý jáne jayover remıksi jańa trektiń osy kóktemdegi eń suranysqa ıe bı fonogrammalarynyń tizimine senimdi túrde qosylýyna múmkindik beredi.
«Biz úshin qazaq talantymen birlesip jumys isteý keremet tájirıbe boldy. Tyńdaýshylardyń eń súıikti sınglderiniń biri mýzykadaǵy jańa urpaq pen trendtiń sımvoly bola alatynyna úmittenemiz», - deıdi Def Leppard.
Aıta ketsek, Def Leppard – 1977 jyly qurylǵan áıgili rok toby.1995 jyly bir kún ishinde 3 kontınentte óner kórsetken jalǵyz oryndaýshy top retinde Gınnesstiń rekordtar kitabyna endi. «Pour Some sugar On Me» sıngline túsirilgen beıneklıp AQSh-ta 2-orynǵa ıe boldy, rekordtyq 73 kúnde MTV arnasynda 1-orynǵa ıe boldy. Sonymen qatar, 2006 jyly «80-jyldardaǵy eń keremet 100 án» reıtınginde VH1 arnasynda 2-orynǵa kóterildi.
Eske salaıyq, qazaqstandyq mýzykant Imanbek 2021 jyly SAINt JHN-nyń «Roses» ánine jazylǵan remıksimen Grammy syılyǵyn jeńip aldy.
Al, byltyr Imanbek-tiń týyndysy 1 mlrd márte tyńdalǵany úshin Spotify syılyǵyna laıyq tanylǵan bolatyn.
Odan bólek, Imanbek Zeıkenov GQ jýrnalynyń «Jyl jańalyǵy» atalymynda marapattaldy.
Imanbek-tiń «Pour Some sugar On Me» jańa tregin osy siltemeden tyńdaýǵa bolady.
