«Iman» jýrnalynyń №1 sanyndaǵy materıaldardyń deni Máýlitke arnalyp shyqty
ASTANA. 2 aqpan. QazAqparat - Elimizde ata dinimizdi nasıhattaıtyn, sanaýly biregeı basylymdardyń biri «Iman» jýrnalynyń 2013 jylǵy № 1 sany jaryq kórdi.
Múbarák Máýlittiń bastalýyna oraı jýrnal materıaldarynyń deni osy merekege arnalǵan. Ony QMDB-nyń tóraǵasy, Bas múftı, sheıh Ábsattar qajy Derbisáli «Salaýat aıtyp, sálem joldaıyq» dep ashqan. Belgili ǵalym, metsenat Osman Nurı Topbashtyń «Eki dúnıe nury» atty kólemdi maqalasy súıikti Paıǵambarymyzdyń (s.ǵ.s.) ónegeli isterin ár qyrynan qamtyp, oqyrmanǵa qyzyqty etip jetkizgen.
«Salaýat» sózi arab tilinde «bereket», «qurmet etý», «tilek» sııaqty maǵynalardy bildiredi. Al dinı termınde bolsa, salaýattyń aıtýshyǵa baılanysty maǵynalary da ózgerip otyrady. «Ahzab» súresiniń 56-aıatynda: «Sózsiz, Allah taǵala men perishteler árdaıym paıǵambarǵa salaýat aıtady. Eı, ıman etkender! Sender de (Muhammedke) salaýat aıtyp, jan-dúnıelerińmen sálem joldańdar!» delingen. QMDB-nyń ýaǵyz-nasıhat bóliminiń «Salaýat aıtýdyń mańyzy» degen túsindirmesi muny jan-jaqty taldaǵan.
Asylbek Noǵaevtyń «Duǵa jaıly ǵıbrattar», Alaý Ádilbaevtyń «Ábý Hanıfanyń túr-tulǵasy men erekshe qasıetteri», Rýslan Qambarovtyń «Aq neke», Nurbek Qaıyrmuhammedtiń «Esirtki -qasiret» atty maqalalary qalyń kópshilikke oı salary anyq.
Jalpy, «Iman» jýrnalynyń bul sanynda munan ózge de qyzyqty da tartymdy materıaldar oqyrman nazaryn ózine aýdarary haq.
