Imamdar jastarǵa Máýlit aıynyń dinı mańyzdylyǵyn ashyp berdi
STANA. Naýryzdyń 18-i. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde Muhammed paıǵambar týǵan Máýlit aıy merekesine arnalǵan «Máýlit jáne ımandylyq» taqyrybynda Astana qalasy «Nur Astana» meshitiniń ımamdary men stýdentterdiń kezdesýi ótti,
dep habarlaıdy QazAqparat.
Kezdesýdi ashqan ýnıversıtettiń prorektory Dıhan Qamzabekuly Máýlit aıynyń mańyzdylyǵy men jalpy ıslam dininiń qoǵamdyq róline toqtaldy. «Biz, qazaq halqy 2,5 ǵasyr boıy otarshyldyqta bolǵan elmiz. Bul - kez kelgen ulttyń tarıh sahnasynan joǵalyp ketýine ákelip soqtyratyn kezeń. Biraq biz óz ulttyǵymyzdy saqtap qaldyq. Sebebi ımanymyzdy shúberekke baılap otyryp, ulttyq bolmysymyzdy osy kúnge deıin jetkizdik. Sol kezderi meshittiń atqarar qyzmeti zor boldy. Bilim de, ǵylym da, din de sol jerde shoǵyrlandy. Al qazirgi kezde onyń bári bólinse de, ımandylyqtyń bastaýy - meshitti umytpaý qajet», - dedi óz sózinde D.Qamzabekuly.
Jıyn barysynda «Nur Astana» meshitiniń ımamdary Máýlit aıynyń mán-maǵynasy týraly baıandady. Sondaı-aq is-shara barysynda jas aqyndardyń oryndaýynda hadıster oqylyp, Muhammed paıǵambarymyz sońǵy ósıetterine arnalǵan derekti fılm kórsetildi.
