Imam: Pandemııa jaǵdaıynda sáresi ishýdiń mańyzy zor

NUR-SULTAN. QazAqparat – Elordanyń bas ımamy Erbolat Júsipov oraza kezinde sáresi ishýden bas tartýshylarǵa keńes aıtty, dep habarlaıdy QazAqparat tilshisi.

«Oraza ustaǵan jandar sáresini ishýge mán berýi kerek. Kóp jaǵdaıda keı adamdar oraza kezinde qarnym ashpaıdy degen jeleýdi alǵa tartyp, tańsáride tamaq ishpeı, aýzyn birden ashyp jatady. Bul – úlken qatelik. Jalpy bizdiń musylmandardyń oraza ustaýyndaǵy úlken bir ereksheligi sáresi ishýde. Paıǵambar hadıste «Sáresi ishińder, sáreside bereke bar» deıdi. Qazirgi epıdemıologııalyq jaǵdaıdy eskere otyryp, árbir oraza ustaıtyn adamdy tańsáridegi azyq-aqýatqa jiti mán berýge shaqyramyz. Adam aǵzasyna kerekti ár túrli dárýmender men paıdaly tamaqtardy jep, sáresi ishýge shaqyramyz», - dedi Erbolat Júsipov.

Shara barysynda Nur-Sultan qalasynyń bas ımamy Ramazan aıynda meshitke kelýdiń tártibin túsindirdi.

Eske salsaq, osy brıfıngide elordalyq eriktilerdiń aýyzashar qorjynyn jetkizýge kómektesetini aıtyldy.