Imam balalardy qutqaramyn dep sýǵa ketti
ASTANA. QazAqparat - Birikken Arab Ámirlikterindegi ál-Aın qalasynyń ımamy qaıǵyly jaǵdaıda qaza tapty, dep habarlady www.muslim.kz.
Qyryqtyń beseýine kelgen Abdýl Rahman Mustafa Dabıs sol kúni óziniń uly jáne týysqan inisimen birge kólge kelgen bolatyn. Gıdrotsıklmen kól betinde serýendep júrgen olar abaısyzda úlken tolqynǵa kez bolyp, balalar sýǵa qulap túsedi. Uly men týysqan inisin qutqaramyn dep jantalasqan Dabısti asaý tolqyn ózimen birge ala ketti. Qýanyshqa oraı, balalardyń ekeýi de aman qalady.
«Ol óziniń uly men inisine alǵashqy bolyp kómekke umtyldy. Alaıda, yryq bermes asaý aǵysqa qarsy tura almaı, opat boldy», - delingen jergilikti Al Khaleej gazetinde.
Dabıs ımam óziniń 15 jyldyq jumys barysynda neke qııýmen jáne otbasylyq sharıǵat keńesshisi bolyp qyzmet atqarǵan.
