IM toby Pákistandaǵy shabýylǵa qatysty jaýapkershilikti óz moınyna aldy
ASTANA. QazAqparat - «Islam memleketi» ekstremıstik toby Pákistannyń batysyndaǵy Kvetta qalasynda ornalasqan polıtseılik ýchılışege jasaǵan shabýyldy óz jaýapkershiligine aldy. Shabýyl kezinde 59 adam qaza tapty, dep habarlaıdy sheteldik BAQ.
Dúısenbi kúni keshke ýchılışe shabýylǵa ushyrady: qarýlanǵan adamdar toby avtomattan oq jaýdyra júgirip, oqý ortalyǵynyń aýmaǵyna, sodan keıin jataqhana ǵımaratyna basa-kóktep kirdi.
Bastapqyda shabýyl jasaýshylardyń sany bes-altaý boldy dep habarlandy. Keıinirek belgili bolǵandaı, onyń úsheýi jarylǵysh zatqa toltyrylǵan shahıdter belbeýin taǵynǵan eken.
Atystyń eń basynda ǵımarattan shyǵyp, qutylyp úlgergen kýrsanttardyń biri: «Olar avtomattarynan oq jaýdyra bizge qaraı atyldy. Biz tóbege qaraı qashyp, artqy alańǵa qaraı sekirdik. Osylaısha aman qaldyq» dedi Geo telekompanııasyna.
Pákistannyń shekaralyq korpýsynyń arnaıy jasaǵy shahıd belbeýindegi úsh lańkestiń bireýin ol ózin jaryp úlgermeıinshe atyp túsirgen.
Jaraqattanǵan júzdegen adam Kvetta aýrýhanalaryna jetkizildi. Kóp keshikpeı, ýchılışege arnaıy jasaqtyń turaqty áskerdiń úlken kúshi tartyldy. Alaıda, atys-shabys eki saǵattan kóp ýaqytqa jalǵasty.
«Eki lańkes ózderin jataqhanada jaryp jiberdi. Kýrsanttar arasyndaǵy qurbandardyń kóptigi osymen túsindiriledi», - deıdi Pákistannyń shekara korpýsynyń general-maıory Sher Afgan.
Bombany iske qosyp úlgermegen úshinshi lańkesti ǵımaratqa oq atqan arnaıy qyzmet jaýyngerleri atyp túsirdi.
