«IM» sodyrlarynyń 1 jylda ıadrolyq qarýǵa qol jetkizý qaýpi bar
ASTANA. QazAqparat - «Islam memleketi» terrorlyq uıymy (IM) nasıhat quraldary arqyly aldaǵy 12 aı ishinde Pákistannan ıadrolyq qarý satyp ala alatynyn habarlady, dep jazady RIA Novostı «Independent» gazetine silteme jasaı otyryp. «IM» sodyrlary jappaı qyryp joıatyn qarýdy paıdalana alatyndyǵy jaıly materıal radıkaldardyń «Dabiq» jýrnalynda jaryqqa shyqty.
«IM» bank shotynda birneshe mlrd dollar bar. Olar Pákistandaǵy paraqor sheneýnikter arqyly ıadrolyq qarý satyp alýǵa qaýqarly», delingen tutqyndaǵy brıtanııalyq jýrnalıst Djon Kentlıdiń (John Cantlie) «The Perfect Storm» jýrnalyndaǵy maqalasynda.
Kentlıdiń sózine qaraǵanda, ıslamıster «ótkende jasalǵan lańkestik áreketterinen áldeqaıda aýyr tıetin jáne aýqymdy lańkestik is-áreketti júzege asyrmaq. Aıta ketý kerek, radıkaldar óziniń nasıhat jumysynda Djon Kentlıdi jıi paıdalanady. Sodyrlar jelige Kentlıdiń birneshe vıdeo málimdemesin jarııalaǵan. Solardyń birinde sırııalyq oppozıtsııaǵa kórsetip jatqan AQSh kómeginiń nátıjesiz ekeni aıtylǵan. «Islam memleketi» lańkestik uıymy 2014 jyly Sırııa men Irakta jaýlap alǵan aýmaqtarda «halıfat» jarııalady. Sodyrlardyń qatygez áreketinen myńdaǵan beıbit turǵyn qaza tapty, júz myńdaǵan adam bosqynǵa aınalsa, myńdaǵan adam tutqynda otyr.
