«IM» sodyrlary Sırııada 400-den astam adamdy tutqynǵa aldy
ASTANA. QazAqparat - «Islam memleketi» sodyrlary Sırııadaǵy Deır-ez-Zor qalasynyń beıbit turǵyndaryn jappaı qyryp, 400-den astam adamdy tutqynǵa aldy. Bul týraly TASS agenttigi «AFP» silteme jasaı otyryp habarlady.
Agenttik aqparatynsha, lańkester qala mańyndaǵy kvartaldarda, sonymen qatar, qala mańyndaǵy eldi mekenderden adamdardy tutqynǵa alǵan. Tutqyndaǵylardyń arasynda balalar men áıelder bar. Sodyrlar tutqyndardy baqylaýlaryndaǵy aýmaqqy alyp ketken.
«AFP» habarlaǵandaı, «IM» sodyrlary Deır-ez-Zordegi Sırııa qarýly kúshteriniń pozıtsııalaryna shabýyl jasady. Olar Damaskiden 430 shaqyrym jerde ornalasqan. Deır-ez-Zordegi qarýly qaqtyǵystan 335 adam japa shekti, onyń ishinde beıbit turǵyndar da bar.
