IM sodyrlary Lıvııanyń soltústigindegi munaı termınalyn shabýyldady
ASTANA. QazAqparat - Dúısenbi kúni Lıvııanyń soltústiginde «Islam memleketi» radıkaldy tobynyń sodyrlary men lıvııalyq qaýipsizdik kúshteriniń arasynda Es-Sıdr portyndaǵy eksporttyq munaı termınaly úshin urys boldy, dep habarlady www.centralasian.org.
Keı derek boıynsha, eki kúzetshi men on sodyr qaza tapqan. Urys barysynda shabýyldaýshylar kem degende eki mınalanǵan kólikti jarǵan. Janarmaı bagyna snarıad tııýinen úlken órt bolǵan. Qarýly kúshterdegi derekkóz urys nátıjesinde, sodyrlardy tyqsyrýdyń sáti túskenin habarlady.
France-Presse agenttigi sodyrlardyń Ras-el-Anýf qalasyna da shabýyl jasaǵanyn habarlaıdy. Lıvııa jaǵalaýyndaǵy Sırt qalasyn baqylaýynda ustap otyrǵan IM tobynyń músheleri sońǵy birneshe apta boıy shyǵys baǵytta jyljýǵa jáne eldegi mańyzdy munaı nysandaryn basyp alýǵa tyrysýda.
