IM sodyrlary B. Obamaǵa qoqan-loqqy jasaýda
ASTANA. QazAqparat - «Islam memleketiniń» sodyrlar toptary AQSh prezıdentin joq qylyp, Qurama Shtattardy musylman provıntsııasyna aınaldyrýǵa qoqan-loqqy jasaýda, delingen Taıaý Shyǵystyń mass-medıasyn zertteý ınstıtýty taratqan beınejazbada.
«Obama, bilip qoı, biz Amerıkaǵa da jetemiz. Sondaı-aq bilip qoı, biz Aq úıde seniń basyńdy kesip, Amerıkany musylman provıntsııasyna aınaldyramyz», degen qara betperde kıgen «Islam memleketiniń sodyry».
Sonymen birge, lańkes Frantsııa men Belgııany da qorqytyp-úrkitken. Beınejazba kúrd sarbazynyń basyn shaýyp jatqan kadrlarmen aıaqtalady.
Málimdeme ótken jyly jazda sodyrlar basyp alǵan ıraktyq Mosýl qalasy kósheleriniń birinde jasalǵan.
Qurama Shtattar Sırııa men Iraktaǵy «Islam memleketi» toptarymen kúres jónindegi halyqaralyq koalıtsııany basqarýda. Ózderiniń kúresinde Vashıngton kúrd jasaqtarynyń sarbazdaryna arqa súıeýde, olar budan úsh kún buryn AQSh Áskerı Áýe kúshteriniń qoldaýymen túrik shekarasy mańyndaǵy sırııalyq Aın ál-Arab (Kobanı) qalasyn tolyq qoldaryna aldy.
