«IM» sodyrlary Aýǵanstannyń Nangarhar provıntsııasynda 600-ge jýyq adamdy jer jastandyrdy
ÁBÝ-DABI. QazAqparat - «Islam memleketi» ekstremıstik uıymy Aýǵanstannyń shyǵys Nangarhar provıntsııasy Achın aýdanynda sońǵy tórt aıda 600-ge jýyq adamdy óltirdi. Bul týraly Nangarhar provıntsııasy ákimshiliginiń ókilderi aýǵandyq «Tolo» telearnasyna málimdedi.
Atap aıtqanda, provıntsııa gýbernatory Hadjı Galıb bazalyq bólimshesi Irak pen Sırııa aýmaǵynda qyzmet etetin «Islam memleketi» uıymy okrýg aýmaǵyna óz túrmelerin salyp úlgergenin habarlady. Bul rette radıkaldar 150-ge jýyq adamdy kepilde ustap otyr, olardyń ishinde jergilikti din qyzmetkerleri, rý basylary men úkimet sheneýnikteri bar.
«Mende «Daısh» («Islam memleketiniń» arabsha ataýy) sońǵy tórt aıda 600-ge jýyq beıbit turǵyndy óltirgenin rastaıtyn tizim bar», - dedi H. Galıb jáne sodyrlar okrýgterdi jas qyzdarǵa kúshpen úılenip jatqanyn qosty.
Osylaısha, «Tola» telearnasynyń jýrnalısteri Nangarhar provıntsııasynyń Achın okrýgi «Islam memleketiniń» Aýǵanstandaǵy basty tiregi dep sanaıdy.
Osy jyly 11 shildedegi aýǵandyq barlaý derekterine súıensek, Achında áýe soqqysynan Pákistan Tehrık-ı-Talıbannyń burynǵy kóshbasshysy Saıd pen onyń janyndaǵy 30 sodyr ajal qushqan. Saıd pen onyń jaqtastary ólgenge deıin Islam memleketine adal bolýǵa ant bergen. «Tolo» telearnasy da ózderin «Daıshtik» sanaıtyn sodyrlar Nangarhar provıntsııasy Pachır Agam okrýginde birqatar úılerdi órtep jibergenin kórsetken.
