«IM» lańkestik toby Londondaǵy qastandyqty óz moınyna aldy
LONDON. QazAqparat - «Islam memleketi» lańkestik toby Londondaǵy lańkestikti óz moınyna aldy, - dep habarlaıdy QazAqparat.
«Senimdi derekkózdiń» habarlaýynsha, shabýyl jasaýshy DAISh sarbazy bolǵan jáne terrorısterdiń koalıtsııa (Taıaý Shyǵystaǵy lańkestikpen kúres júrgizip jatqan elder) azamattaryna qastandyq jasaý týraly tapsyrmasyn oryndaǵan.
Eske sala keteıik, sársenbi kúni avtokólik Vestmınster kópirinde adamdardy taptap ótken. Keıin parlament ǵımaraty janyna baryp toqtaǵan lańkestiń kózi joıyldy. Shabýyl jasaýshy bir polıtseıge pyshaq salyp úlgergen, keıin saqshy aýrýhanada kóz jumdy. Terakt kezinde 4 adam qaza tapty.
