Ilıýmjınov AQSh azamattyǵyn surady
ASTANA. QazAqparat - Halyqaralyq shahmat federatsııasynyń (FIDE) prezıdenti Kırsan Ilıýmjınov AQSh prezıdenti Barak Obamaǵa jazǵan hatynda ózine AQSh azamattyǵyn surady. Bul týraly ol búgin FIDE músheleri aldynda Bakýdegi uıym kongressinde jarııa etti, dep habarlaıdy reseılik TASS agenttigi.
Buǵan deıin Ilıýmjınov AQSh prezıdentine hat joldap, onyń tirkelgeni jaıly habar alǵan.
«Men AQSh prezıdentinen ózime amerıkalyq azamattyq berýin suradym, meniń isimdi AQSh qarjy mınıstrliginiń tizimine qosyp, jergilikti sotta qaraǵanyn qalaımyn, - dep málimdedi FIDE basshysy. - Meniń isimniń Amerıka topyraǵynda, Amerıka zańymen talqylanýyn qalaımyn».
Eske sala ketsek, AQSh-tyń Ádilet mınıstrligi 2015 jyldyń sońynda Kırsan Ilıýmjınovti sanktsııa salynǵan tulǵalardyń tizimine engizgen bolatyn.
