Ilıa Mızernyh álem chempıonatynda úzdik ondyqqa endi

ASTANA.KAZINFORM - Qazirgi tańda Norvegııanyń Lıllehammer qalasynda shańǵy sporty túrlerinen jasóspirimder arasynda álem chempıonaty ótip jatyr.

QR UOK málimetinshe, erler arasynda Qazaqstan quramasy sapynan eń úzdik nátıjeni Ilıa Mızernyh kórsetti. Sportshy 263 upaı jınap, altynshy orynǵa turaqtady.

Avstrııalyq Shtefan Embaher 296,5 upaı enshilep, jarys jeńimpazy atandy. Kúmis medaldi polshalyq Katsper Tomasıak (287,3) ıelense, amerıkalyq Djeıson Kolbı 276 upaımen qola júldege qol jetkizdi.

Qazaqstandyq Artem Meshkov jarysty 22-orynda aıaqtady. Al Danııl Kalınkın alǵashqy sekirý qorytyndysy boıynsha 42-oryn alyp, fınaldyq kezeńge óte almady.

Aıta keteıik, qazaqstandyq tennısshi, álemniń 88-raketkasy Aleksandr Shevchenko Indıan-Ýells (AQSh) ATP 1000 týrnıriniń ekinshi aınalymyna joldama aldy.