Ilon Masktyń dáýleti bir táýlikte 25 mlrd dollarǵa artty
NUR-SULTAN. QazAqparat – Amerıkalyq kásipker, Tesla jáne SpaceX kompanııalarynyń negizin qalaǵan Ilon Masktyń dáýleti ótken táýlikte 25,1 mlrd dollarǵa artyp, rekordtyq kórsetkishke jetti. Buǵan 10 naýryzdaǵy Bloomberg Billionaires Index (BBI) derekteri dálel, dep habarlaıdy QazAqparat.
Qazirgi ýaqytta onyń kapıtaly 174 mlrd dollardy quraıdy. Ol reıtıngide kósh bastaǵan Amazon negizin qalaýshysy Djeff Bezostan keıin qaldy. Al onyń baılyǵyn Bloomberg agenttigi 180 mlrd dollarǵa baǵalap otyr.
Óz kezeginde Forbes Real-Time Billionaires jýrnaly reıtınginiń málimetine sáıkes, Mask óz dáýletin ótken táýlikte 22,6 mlrd dollardan 166,2 mlrd dollarǵa deıin ulǵaıtty. Osylaısha, tizimde kapıtaly 179,9 mlrd dollar bolatyn Bezostan keıin ekinshi orynda tur.
26 aqpanda Ilon Mask bir táýlikte14 mlrd AQSh dollaryn joǵaltqan bolatyn. Saýda-sattyq barysynda Tesla kompanııasynyń aktsııalary 8,6%-ǵa tómendedi.
Mask ǵalamshardaǵy eń baı adamdar tizimindegi kóshbasshylyǵynan aıyryldy. Kóshbasshylyq Amazon-nyń negizin qalaýshyǵa aýysty.
