Ilon Masktyń dáýleti 300 mıllıard dollardan asty
NUR-SULTAN. QazAqparat - SpaceX jáne Tesla joǵary tehnologııaly kompanııalarda úlesi bar Ilon Mask álemdegi eń baı adamǵa aınaldy. Onyń dáýleti 300 mıllıard dollardan asty, dep habarlaıdy QazAqparat Business Today-ǵa silteme jasap.
Forbes jáne Bloomberg Billionaires Index (BBI) reıtıngteri boıynsha, amerıkandyq Tesla elektromobılderin shyǵarýshy kompanııa aktsııalarynyń kúrt ósiminiń arqasynda Masktyń dáýleti bir kúnniń ishinde 17,1 mıllıard dollarǵa artyp, 315 mıllıard dollarǵa jetken. Óz kezeginde Bloomberg agenttigi Masktyń dáýletin 335 mıllıard dollarǵa baǵalap otyr.
Sondaı-aq eń baı adamdar «úshtigine» Amazon negizin qalaýshy Djeff Bezos (193,2 mıllıard dollar) jáne dáýleti 190,8 mıllıard dollarǵa baǵalanyp otyrǵan Frantsııanyń LVMH kompanııalar tobynyń bas dırektory Bernar Arno kirdi.
Eske sala ketsek, qazan aıynyń sońynda Mask adamzat tarıhynda eń baı adam atalǵan, al onyń dáýleti 270 mıllıard dollarǵa jetti.
