Ilon Masktyń kompanııasy mıyna datchık engizýge ruqsat beretin adamdardy izdep jatyr

Ilon Masktyń Neuralink kompanııasy mı-kompıýter ınterfeısi (BCI) eksperımentine eriktiler izdeıtinin jarııalady, dep habarlaıdy QazAqparat VVS jańalyqtaryna silteme jasap.

Kompanııa adamnyń mıyn kompıýtermen baılanystyrýdy josparlap otyr jáne óziniń jańa tehnologııalaryn tekserip kórý úshin sal aýrýyna shaldyqqan adamdardy izdeıdi.

Zertteýshilerdiń oıynsha, mıǵa qondyrylǵan ımplant júıke ımpýlstaryn jibere alady, ol óz kezeginde shıfrlanady, al sal aýrýyna shaldyqqan adam oılaý kúshimen kompıýtermen jazý múmkindigine ıe bolady.

Mamyr aıynda birneshe sátsiz áreketten keıin Neuralink AQSh-tyń Azyq-túlik jáne dári-dármek basqarmasynan (FDA) adamdarǵa klınıkalyq synaq júrgizýge ruqsat alǵan.

Bastapqyda kompanııa 10 eriktige ımplant engizýge ruqsat surady, biraq sońynda qansha eksperıment júrgizýge ruqsat etilgeni habarlanǵan joq.