Ilon Masktyń ınterneti shalǵaı aýyldardaǵy máseleni qalaı sheship jatyr
TÚRKІSTAN. KAZINFORM - Túrkistan oblysyndaǵy 330 mektepke «Starlink» spýtnıktik ınternet júıesi qosylǵan bolatyn. «QazAqparat» saıtynyń tilshisi bilim ordalaryndaǵy joǵary jyldamdyqty ınternettiń jumys isteý barysymen tanysyp shyqty.
Ilon Masktyń ınterneti óńirdegi shalǵaı aýyldardy da qamtyp otyr. Sonyń biri Keles aýdanyna qarasty Júzimdik aýyldyq okrýgindegi Aqsý eldimekeninde ornalasqan №32 jalpy bilim beretin mektep. Aýyl shekaraly aımaqta ornalasqandyqtan munda uıaly baılanys júıesi durys jumys istemeıdi. Al, ǵalamtorǵa kirýdiń ózi muń. Sondyqtan mektepke spýtnıktik «Starlink» júıesi ornatylǵanda birinshi kezekte oqýshylar men ustazdar qatty qýanǵan.
«Ótken jyly iske qosylǵan «Starlink» júıesi toqtaýsyz jumys istep tur. Tipti, mamyr aıynda 4-9 synyp oqýshylary «oqý jetistikterin syrttaı baqylaý» testin ınternetpen tapsyrdy. Júıede qatyp qalý, ashylmaý degen máseleler joq. Mektebimizdegi arnaıy pándik kabınetterde de joǵary jyldamdyqty ınternet iske qosylyp tur», - dedi mektep dırektorynyń oqý-isi jónindegi orynbasar Suńqar Ábdiraıym.
Al, Qazyǵurt aýdany Aqqum aýylynyń turǵyndary búginge deıin ınternettiń tapshylyǵyn tartyp kelgen bolatyn. Ustazdar elektrondy jýrnal toltyrý úshin, qyr asyp, kórshi aýylǵa deıin barǵan kezderi bar. Mektepke Ilon Masktyń ınterneti kelgeli sol aýyrtpalyqtyń barshasy da artty qaldy. Qazir mekteptegi joǵary jyldamdyqty ınternetti kez kelgen ýaqytta paıdalanýǵa bolady.
«Mektebimizdegi «Starlink» jumys istep tur. Aýylǵa da uıaly baılanys ornatty. 4G bar. ıAǵnı, ǵalamtorǵa noýtbýkpen de, uıaly telefonmende kire alamyz. Mektepte aıaqtaı almaǵan jumystarymyzdy úıde jalǵastyramyz» - dedi Aqqum jalpy bilim beretin mektebiniń dırektory Juban Taev.
Jetisaı qalasyndaǵy Sh.Ýálıhanov atyndaǵy jalpy bilim beretin mektepte 570 oqýshy bar. Munda «Starlink» júıesiniń jyldamdyǵy 100-150 Mbıt/s quraıdy. Ustazdar onlaın platformadaǵy jarystarǵa erkin qatysa alatyn múmkindik týǵanyna qýanyp júr.
«Ótken jyly jańa ǵımaratqa kóshken bolatynbyz. Sodan bizge spýtnıkti «Starlink» júıesin ornatyp berdi. Internetke kirý jyldamdyǵy 10 ese artty. Bul oqýshylar men ustazdar úshin izdenýge, jumys isteýge úlken múmkindik dep bilemin», - dedi Sh.Ýalıhanov atyndaǵy №2 JBBM dırektory Merýert Bekenova.
Otyrar aýdanynyń ortalyǵy Sháýirdir aýylynda ornalasqan Ó.Jánibekov atyndaǵy №4 lıtseı-ınternatta da ınternet úlken másele bolǵan. Tipti, oqýshylar test tapsyratyn mezgilde ınternet qaıta –qaıta qatyp qala beretin. Sodan qosymsha modem alyp kelip, ornatýǵa májbúrlik týǵan.
«Bizdiń mektebimizdegi 36 kabınet tolyǵymen jabdyqtalǵan. Ár muǵalimniń aldynda monoblok bar. Led ekran, ınteraktıvti taqtamen sabaq ótemiz. Oqýshylarymyz onlaın olımpıadalarǵa qatysyp, test tapsyrsa, ustazdarymyz elektrondy jýrnal toltyrady. Sabaqqa izdenedi. Sondyqtan ınternettiń jyldamdyǵy asa mańyzdy rol atqarady. «Starlink» kelgeli eń bastysy ǵalamtorǵa kirý jyldamdyǵy artty. Buryn 30 Mbıt/s otyrsaq, qazir 80-nen asyp jatyr. Jaqsy jumys istep tur» - dedi mektep dırektorynyń aqparattandyrý jónindegi orynbasary Nurzıla Aıdarbek.
Túrkistan oblystyq bilim basqarmasynyń baspasóz qyzmeti usynǵan aqparatqa súıensek, óńirdegi 911 memlekettik mekteptiń barlyǵy ınternet jelisimen qamtylǵan. Onyń ishinde 581 mektepke talshyqty-optıkalyq baılanys jelisi arqyly jyldamdyǵy 20-80 Mbıt/s ınternet jelisi ornatylǵan. Jaqynda taǵy 33 mektepti optıkamen qamtý josparlanyp otyr.
«330 mektep shalǵaı jáne taýly aýmaqtarda ornalasýyna baılanysty, tehnıkalyq múmkindigine qaraı jyldamdyǵy 512 Kb/s - 20 Mbıt/s quraıtyn tómen jyldamdyqty ınternet jelisinde otyrǵan bolatyn. Osy bilim uıalarynyń 329-y «Respýblıkalyq ǵaryshtyq baılanys ortalyǵy» AQ SpaceX kompanııasy arqyly «Starlink» spýtnıktik ınternetine qosyldy. Qalǵan 1 mektepte kúrdeli jóndeý jumystaryna baılanysty toqtatylyp tur. Jańa oqý jylyna deıin olda joǵary jyldamdyqty ınternetke qosylatyn bolady. Bul bilim sapasynyń artýyna, oqýshylary men ustazdardyń jan-jaqty damýyna múmkindik beredi», - deıdi Túrkistan oblystyq bilim basqarmasynyń resmı ókili Nurlan Sultanbek.
