Ilon Masktyń foto men vıdeo jasaýǵa arnalǵan neırondyq jelisi tegin boldy
ASTANA. KAZINFORM – Ilon Masktyń xAI kompanııasy Android jáne iOS júıelerindegi mobıldi qosymshanyń barlyq paıdalanýshysyna Grok Imagine jasandy ıntellekt fotosy men beınegeneratoryna tegin qol jetkizýge múmkindik beretinin habarlady.
Buryn bul múmkindik tek SuperGrok jáne X Premium+ jazylýshylaryna qoljetimdi bolatyn.
Grok Imagine mátindik suraýlar nemese júktep salynǵan keskinder negizinde uzyndyǵy 15 sekýndqa deıingi foto men qysqa vıdeolar jasaýǵa múmkindik beredi. Ony paıdalanýshylar ártúrli kórneki mánerler arasynan tańdaı alady jáne daýysty sınhrondaý fýnktsııasyn qoldana alady.
Tegin qol jetkizý merzimi – shekteýli. Naýqan aıasynda paıdalanýshylar ár 12 saǵat saıyn 5 suranys jibere alady. Tegin synaq nusqasy qansha ýaqytqa sozylatyny belgisiz.
Sheshim GPT-5 iske qosylýy jáne xAI men OpenAI, sondaı-aq olardyń tıisti kóshbasshylary Ilon Mask pen Sem Altman arasyndaǵy jalǵasyp jatqan qaqtyǵys aıasynda qabyldanýy múmkin. Olar jaqynda X áleýmettik jelisinde (burynǵy Twitter) qaqtyǵysty. Mask Apple kompanııasyn ChatGPT qoldanbasyn alǵa jyljytty dep aıyptady, sodan keıin Altman áleýmettik jeli jetekshisin óziniń paraqshasyn ilgeriletý úshin X júıesindegi algorıtmderdi qoldandy dep aıyptady.
Eske sala keteıik, iPhone 17 OpenAI-dyń «mıymen» shyǵýy múmkin ekeni jaıly jazǵan edik.