Ilon Mask X Money qarjylyq servısin sáýirde iske qosýdy josparlap otyr — Bloomberg

ASTANA.KAZINFORM - Ilon Mask jaqyn kúnderi X platformasynyń ishinde jańa qarjylyq servıs — X Money-l3 qoljetimdi etýdi kózdep otyr, dep jazady BILD.

Bloomberg málimetinshe, bul burynǵy Twitter negizinde qurylǵan X platformasyn tolyqqandy sýperqosymshaǵa aınaldyrý jolyndaǵy negizgi qadamdardyń biri. ıAǵnı qoldanýshylar tek jazbalardy oqyp qana qoımaı, qarajat saqtap, tólem jasap, bir-birine aqsha aýdaryp, banktik qyzmetterdi paıdalana alady. Naýryz aıynda Mask servısti alǵashqy paıdalanýshylar úshin sáýirde iske qosý josparlanyp otyrǵanyn aıtqan.

Agenttik deregine súıensek, X Money áleýmettik jeli ishinde shot, tólem qosymshasy jáne qarjylyq quraldardy biriktiredi. Qazir synaqtan ótip jatqan fýnktsııalar qatarynda paıdalanýshylar arasyndaǵy aýdarymdar, Visa debet kartasy, 3 paıyzǵa deıingi keshbek jáne shottaǵy qaldyqqa shamamen 6 paıyz tabys esepteý múmkindigi bar. Masktyń maqsaty - X platformasyn paıdalanýshy «barlyq qarjylyq jáne kúndelikti operatsııasyn júrgize alatyn» etetindeı, ámbebap servıske aınaldyrý.

Sonymen qatar, Bloomberg jáne basqa basylymdar X Money servısi AQSh-tyń barlyq shtatynda tolyq jumys isteý úshin qajetti lıtsenzııalardy áli tolyq almaǵanyn jazady. Áńgime shamamen 44 shtat týraly bolyp otyr, al kúrdeli naryqtardyń biri retinde Nıý-Iork atalady.

Osyǵan deıin SpaceX aktsııalary IPO-da satylsa, Ilon Mask tarıhtaǵy alǵashqy trıllıoner atanatyny týraly jazdyq.