Ilon Mask úkimettiń BAQ-qa jumsaıtyn shyǵynyn qysqartpaqshy

ASTANA.KAZINFORM - AQSh-tyń Úkimet tıimdiligi departamenti (DOGE) júrgizip jatqan únemdeý saıasaty aıasynda birqatar amerıkalyq BAQ-ty memlekettik qarjylandyrýdan bas tartady, dep habarlaıdy Kazinform-nyń menshikti tilshisi.

Aq úıdiń baspasóz hatshysy Kerolaın Lıvıtttiń málimdeýinshe, Politico budan bylaı salyq tóleýshilerdiń qarajatynan bir tsent te almaıdy. Bul sheshim basylymnyń jazylym men basqa da memlekettik kelisimsharttar arqyly 8,4 mıllıon dollar alǵany anyqtalǵannan keıin qabyldandy.

Kerolaın Lıvıtt DOGE komandasy qazir bul tólemderdi toqtatý boıynsha jumys istep jatqanyn jáne «amerıkalyqtardyń múddesine qyzmet etpeıtin» kez kelgen shyǵyn qysqartylatynyn atap ótti.

- Politico memleket tarapynan qarjylandyrylyp kelgen jalǵyz basylym emes, - dep atap ótti Yahoo News.

USASpending.gov málimetinshe Associated Press AQSh úkimetinen 619,968 dollar, Reuters 3 3,1 mıllıon dollar, al The New York Times 3 378 266 dollar alyp kelgen.

Bul kórsetkishter Ilon Masktyń qatań synyna ushyrady.

- Bul - salyq tóleýshilerdiń qarajatyn tıimsiz paıdalaný. Paıdasyz shyǵyndar joıylady, - dedi ol.

Ol H jelisinde «kóptegen buqaralyq aqparat quraly tabystyń jumbaq quldyraýyna tap bolady» dep jazdy.

Many media outlets are going to experience a mysterious drop in revenue https://t.co/8T2Qrwpcez

— Elon Musk (@elonmusk) February 5, 2025