Ilon Mask Twitter shtab-páterin úısizderge arnalǵan baspanaǵa aınaldyrýdy usynady

NUR-SULTAN. QazAqparat – Álemdegi eń baı eki adam Ilon Mask pen Djeff Bezos Twitter shtab-páteriniń kómegimen AQSh-taǵy baspanasyzdyq máselesin sheshýdi usyndy, dep habarlaıdy QazAqparat Reuters-ke silteme jasap.

Jaqynda Twitter-diń 9,2 paıyz aktsııasyn satyp alyp, kompanııanyń dırektorlar keńesine kirgen Ilon Mask Twitter-diń bas keńsesin úısizderge arnalǵan baspanaǵa aınaldyrýdy usyndy.

«San-Frantsıskodaǵy Twitter shtab-páterin úısizderge arnalǵan baspanaǵa aınaldyrýdy usynamyn, báribir ol jerge eshkim kelmeıdi», - dep jazdy Mask Twitter-degi paraqshasynda.

Dál qazir daýys bergen 1,85 mıllıon qoldanýshynyń 91 paıyzdan astamy bıznesmen ıdeıasyn qoldasa, 8,5 paıyzy qarsy bolǵan. Amazon negizin qalaýshy Djeff Bezos Ilon Mask jazbasyna jaýap retinde shtab-páterdi tutas úısizder baspanasyna aınaldyrmaı, ǵımarattyń jarty bóligin berýge bolatynyn aıtty.