Ilon Mask Twitter-diń jańa bas dırektoryn tanystyrdy
ASTANA. QazAqparat – Lında ıAkkarıno Twitter-diń jańa bas dırektory boldy. Bul týraly Ilon Mask atalǵan áleýmettik jelidegi jeke paraqshasynda jazdy, dep habarlaıdy QazAqparat.
«Twitter-diń jańa bas dırektory retinde Lında ıAkkarınony kórýge qýanyshtymyn!», - dep jazdy ol.
Aıtýynsha, kompanııanyń jańa basshysy bıznes-operatsııalarmen aınalysatyn bolady. Al ózi ónimniń dızaıny men jańa tehnologııalarǵa den qoıady.
Lında ıAkkarıno 60 jasta.
Aıta keteıik, álemniń eń baı adamdarynyń biri I.Mask Twitter-di ótken jyldyń qazan aıynda 44 mlrd dollarǵa satyp alǵan bolatyn. Ol birden kompanııanyń dırektorlar keńesin taratty.
Sondaı-aq Amerıkanyń burynǵy prezıdenti Donald Tramptyń osy áleýmettik jelidegi akkaýntyn bloktan shyǵarý-shyǵarmaý jóninde saýalnama ótkizip, qorytyndysy boıynsha sheshim shyǵardy.
Budan bólek, ol oqyrmandaryna «Twitter-diń basshylyǵynan ketýim kerek pe?» degen saýal joldap, óz paraqshasynda saýalnama ótkizdi.
Saýalnamaǵa qatysqandardyń deni (57,5%) I.Masktiń Twitter saıasatyn basqarýdan bas tartqany jón dep tapqan. Osyǵan oraı ol: «Osy jumysqa kelisetin aqymaq adamdy tapqan boıda basshylyqtan ketemin. Sodan keıin tek baǵdarlamalyq jasaqtama men serverler komandalaryna jaýapty bolamyn», - dep jaýap jazǵan edi.
Bir joly Ilon Mask Twitter áleýmettik jelisiniń bas dırektory etip, óz ıtin «taǵaıyndaǵan» bolatyn.
