Ilon Mask Twitter-di qaıta satyp alýdy usyndy
ASTANA. QazAqparat – Amerıkalyq kásipker Ilon Maskke Twitter-di bastapqy baǵamen satyp alý kelisimin uzartýdy usyndy, dep habarlaıdy QazAqparat Bloomberg agenttigine silteme jasap.
Aıta ketsek, 12 shildede Twitter Maskty óz mindettemelerin oryndaýǵa májbúrleý úshin sotqa júgingen edi. Sáýir aıynda Mask áleýmettik jelini 44 mlrd dollarǵa satyp alýdy usyndy. Biraq shildeniń basynda zańgerler kompanııany Twitter jalǵan profılder týraly senimdi aqparat bermegendikten satyp alýdan bas tartqanyn habarlady.
Bloomberg aqparatyna sáıkes, qaıta bastalǵan kelisim aldaǵy aptada maquldanýy múmkin. Bul jańalyq jarııalanǵannan keıin Twitter aktsııalary birden 18%-ǵa qymbattap, sodan keıin saýda toqtatyldy.
Foto: aa.com.tr
