Ilon Mask Twitter-di 44 mlrd dollarǵa satyp aldy
NUR-SULTAN. QazAqparat - Ilon Mask Twitter-di 44 mlrd dollarǵa satyp alady. Kompanııanyń Dırektorlar Keńesi onyń usynysyn qabyldady.Bul týraly QazAqparat BBC agenttigine silteme jasap habarlaıdy.
Osydan eki aptadan az ýaqyt buryn Twitter-diń ıelerine kompanııany satý týraly usynys jasaǵan Ilon Mask bul áleýmettik jeliniń júzege asyrylmaǵan áleýeti zor ekenin jáne ony óziniń iske asyra alatynyn málim etti.
Sáýir aıynda Mask Twitter-diń 9,2% aktsııasyn 2,89 mıllıard dollarǵa satyp alyp, kompanııanyń eń iri aktsıoneri atandy.
Bir apta buryn bolashaǵy belgisiz bolyp kóringen mámile jaıly talqylaýlar ótken aptanyń sońynda qarqyn aldy. Mask kompanııa aktsıonerlerin shaqyryp, olarmen mámileniń qarjylyq egjeı-tegjeılerimen bólisti.
Aktsıonerlerdiń qysymyna ushyraǵan Twitter bir aktsııaǵa 54,20 dollar usynǵan Maskpen kelissózderdi bastady. Bul jańalyq shyqqan kezde Twitter aktsııalarynyń bırjadaǵy baǵasy 6%-ǵa kóterildi.
Aǵymdaǵy mámileniń baǵasy Masktyń aktsııalardyń 9%-yn satyp alýy týraly habarlandyrýdan bir kún burynǵy saýda qorytyndysymen salystyrǵanda 40% joǵary bolyp tur.
