Ilon Mask Tramptyń «sýperıntellekt» týraly málimdemesinen keıin SpaceXAI ataýyn ózgertedi
ASTANA. KAZINFORM — SpaceX kompanııasynyń bas dırektory Ilon Mask AQSh prezıdenti Donald Tramp «jasandy ıntellekt» termıniniń ornyna «sýperıntellekt» termınin qoldanýdy usynǵannan keıin SpaceXAI bólimshesiniń ataýyn SpaceXSI dep ózgertetinin jarııalady, dep habarlaıdy Reuters agenttigi.
X áleýmettik jelisiniń qoldanýshysy «SpaceXAI ataýy SpaceXSI dep ózgerýi múmkin be?» degen suraqqa bergen jaýabynda Mask osyndaı jospary baryn aıtqan.
— Iá, biz ózgeris engizemiz, — dep jazdy Mask.
X áleýmettik jeli platformasyndaǵy SpaceXAI akkaýntynyń ataýy áli ózgergen joq. Mask sonymen qatar aldaǵy ózgeris týraly qosymsha málimet bólispedi jáne bul ózgeris qashan bolatynyn da ashyp aıtpady.
SpaceXAI máselege qatysty Reuters-tiń saýalyna birden jaýap bermedi.
Ótken aıda BUU Bas Assambleıasynda sóılegen sózinde Tramp jasandy ıntellektiniń ataýyn ózgertýdi usynǵan bolatyn.
— Osy sátten bastap Qurama Shtattardyń barlyq qujatynda «jasandy» sóziniń ornyna, «sýper» termıni qoldanylady, ıaǵnı «sýperıntellekt» dep jazylady. Búkil álemniń qujattary da osylaı ózgertiledi dep úmit artamyn, — dedi Tramp.
Eske sala keteıik, Tramp AQSh úkimetiniń qujattarynda jasandy ıntellektini «sýperıntellekt» dep ózgertti.
Sondaı-aq Ilon Mask Donald Tramp ákimshiligimen qaıtadan yntymaqtastyq ornatatyny habarlanǵan. Ol Pentagonnyń «Merıdıan» atty jańa jobasyna Palmer Lakı jáne Nıýt Gıngrıchpen birge teń tóraǵalyq etedi.
