Ilon Mask Trampty Epshteınge qatysty qujattardy jarııalaýǵa shaqyrdy

NЬıÝ-IORK. KAZINFORM – Amerıkalyq kásipker Ilon Mask AQSh prezıdenti Donald Trampty mıllıarder Djeffrı Epshteınge qatysty qujattardy jarııalaýǵa shaqyrdy. Epshteın seksýaldyq zorlyq-zombylyq pen jezókshelik jelisin uıymdastyrý boıynsha aıyptalǵan edi jáne túrmede kóz jumǵan, dep jazdy Anadoly.

Tramp óz jazbasynda: «Epshteın týraly tym jıi aıtyp júrmiz, bulaı bolmaýy kerek», — degen bolatyn.

Mask onyń sózine tańdanyp: «Siz shynymen baıypty aıtyp otyrsyz ba?» — dep jazdy.

Buǵan deıin Tramp Epshteınniń esimin birneshe ret ataǵan, biraq keıinirek bul taqyrypty qaıta-qaıta kóterýdiń qajeti joq ekenin málimdegen.

Ilon Mask óziniń jaýabynda:

«Jaı ǵana ýádeńizge saı qujattardy jarııalańyz», — dep Trampty ashyqtyqqa shaqyrdy.

Tramptyń aıtýynsha, Epshteınge qatysty doseler demokrattar basqarǵan aldyńǵy ákimshilikter kezinde jasalǵan. Ol bul taqyryptyń áli kúnge deıin talqylanyp jatqanyna narazylyq bildirip, qujattar Barak Obama men Djo Baıden ákimshilikteri kezinde daıyndalǵanyn aıtty.

— Nelikten biz bul qujattarǵa sonsha mán beremiz, olardy Reseımen baılanysty jalǵan aqparat taratqan adamdar jazǵan? — dep jazdy Tramp Truth Social jelisinde.

Eske sala keteıik, buǵan deıin Mask «Amerıka» atty jańa saıası partııa qurylǵanyn jarııalaǵan bolatyn.