Ilon Mask Tramp ákimshiligindegi jumys ýaqytyn qysqartpaq

ASTANA. KAZINFORM – Ilon Mask seısenbide mamyr aıynan bastap Tramp ákimshiliginiń Úkimet tıimdiligi departamentinde (DOGE) jumys isteıtin ýaqytyn kúrt qysqartatynyn jáne negizinen óz kompanııalaryn basqarýǵa qaıta oralatynyn málimdedi dep habarlaıdy Reuters.

Masktyń eń iri kompanııasy Tesla seısenbide birinshi toqsannyń qorytyndylaryn habarlady, onda onyń taza kirisi bir jylda 71%-ǵa tómendegeni kórsetildi.

- Jumystyń kóp bóligi – DOGE komandasyn qurý jáne úıimizdi qarjylyq tártipke keltirý úshin úkimetpen kóp jumys atqaryldy, - dep keltirdi Reuters Masktyń sarapshylarmen telefon konferentsııasynda kezinde sóılegen sózin.

Sonymen qatar, Mask DOGE-dan tolyǵymen ketýdi josparlap otyrmaǵanyn, oǵan ýaqytynyń 40% arnaýdy josparlap otyrǵanyn aıtty.

- Masktiń federaldy qyzmetkerler shtatyn qysqartý baǵytyndaǵy jumystarǵa jetekshilik etetin Úkimet tıimdiligi departamentindegi jumysy qaýip-qaterge toly boldy, - dep keltiredi onyń sózin Reuters.

Óıtkeni ol Tesla-ǵa qarsy narazylyqtar men vandalızm áreketteriniń jandanýyna túrtki bolyp otyrdy.

Tesla kompanııasynyń 2025 jylǵy 1 toqsandaǵy esebine sáıkes, kompanııanyń osy úsh aıdaǵy taza tabysy 2024 jyldyń birinshi toqsanynan 71%-ǵa tómendep, 409 mln dollardy qurady. Tabys – 19,3 mlrd dollar bolyp, ótken jyldyń basymen salystyrǵanda 20%-ǵa tómendedi.

Tesla 2025 jyldyń qańtar-naýryz aılarynda shamamen 337 myń elektr kóligin satty, bul eki jyldan astam ýaqyt ishindegi eń nashar toqsandyq kórsetkish.

11 naýryz kúni Tesla aktsııalary 15% tómendegeni týraly jazdyq.