Ilon Mask, Tım Kýk jáne AQSh-tyń birqatar top-menedjeri Tramppen birge Qytaıǵa barady
ASTANA.KAZINFORM - Aq úı osy aptada Donald Tramppen Qytaıǵa baratyn onnan astam top-menedjerdi shaqyrdy. Bul saparda Beıjińmen birqatar iskerlik kelisim men kelisimshart jasalady, dep habarlaıdy Kazinform agenttiginiń Vashıngtondaǵy tilshisi.
Newsmax basylymynyń habarlaýynsha, Tesla kompanııasynyń basshysy Ilon Mask pen Apple kompanııasynyń basshysy Tım Kýk Tramppen birge júredi.
Bloomberg News agenttiginiń Aq úı sheneýnigine silteme jasaı otyryp habarlaýynsha, Goldman Sachs kompanııasynyń basshysy Devıd Solomon, Blackstone kompanııasynyń basshysy Stıven Shvartsman, BlackRock kompanııasynyń basshysy Larrı Fınk, Citigroup kompanııasynyń basshysy Djeın Freızer jáne Meta Platforms kompanııasynyń basshysy Dına Paýell Makkormık te Qytaı tóraǵasy Sı Tszınpınmen ótetin sammıtte Tramp delegatsııasyna qosylady.
NYT NewsToday basylymynyń habarlaýynsha, Boeing kompanııasynyń bas dırektory Kellı Ortberg, GE Aerospace kompanııasynyń bas dırektory Loýrens Kalp, Goldman Sachs kompanııasynyń bas dırektory Devıd Solomon jáne Mastercard kompanııasynyń bas dırektory Maıkl Mıbah ta sammıtke qatysýǵa shaqyrylǵan.
Buǵan deıin Qytaı Tramptyń Beıjińge saparyn rastaǵan bolatyn. Sondaı-aq AQSh pen Qytaı kóshbasshylary neni talqylaıtynyn da habarlaǵan edik.
