Ilon Mask TikTok-qa arnalǵan josparyn aıtty

ASTANA.KAZINFORM  - Amerıkalyq mıllıarder TikTok-ty satyp alý nıeti týraly qaýesetti joqqa shyǵardy, dep habarlaıdy DW.

Die Welt gazeti ótkizgen bıznes-sammıt barysynda Ilon Mask tanymal qysqa beıne qosymshasy TikTok-ty satyp alýǵa múddeli emes ekenin aıtty.

«Men TikTok satyp alý týraly usynys jasaǵan joqpyn», - dedi Mask AQSh prezıdenti Donald Tramp amerıkalyq kásipkerdiń qytaılyq ByteDance kompanııasyna tıesili qosymshany satyp alýyna qarsy bolmaıtynyn aıtqan soń bir aptadan keıin.

Mask qoldanbany jeke paıdalanbaıtynyn, onyń formatyn bilmeıtinin jáne TikTok úshin «jospary joq» ekenin qosty.

Onyń aıtýynsha, qazirgi X dep atalatyn Twitter medıa platformasyn satyp alý ózi úshin erekshe oqıǵa boldy.

«Men ádette kompanııalardy nólden bastap kóteremin», - dep atap ótti Mask.

Buǵan deıin Qytaı bıligi TikTok-ty Ilon Maskke satýy múmkin ekenin jazǵanbyz.