Ilon Mask taǵy da álemdegi eń baı adamdardyń kóshin bastady
ASTANA. QazAqparat – Tesla men SpaceX-ti basqaratyn jáne Twitter-diń ıesi Ilon Mask taǵy da álemniń eń baı adamy atandy, dep habarlaıdy QazAqparat Bloomberg agenttigine silteme jasap.
Bul tıtýl LVMH (Louis Vuitton Moet Hennessy) prezıdenti Bernard Arnonda bolǵan edi.
Ilon Mask aktıvteri bıylǵy jyly Tesla Inc aktsııalary qunynyń 70 paıyzǵa jýyq ósýiniń nátıjesinde artty. Sondaı-aq kompanııa birneshe modelderdiń baǵasyn tómendetkennen keıin elektr kólikterine suranys ósti.
Bloomberg-tiń reıtıngine sáıkes, Masktyń baılyǵy 187,1 mıllıard dollarǵa baǵalanady. Bul 185,3 mıllıard dollarǵa baǵalanǵan 73 jastaǵy Bernard Arnonyń baılyǵynan sál artyq.
Masktyń qaıyrymdylyqqa jumsaǵan qarajaty onyń jeke kapıtalyna kóp áser etpegen. Kásipker ótken jyldyń tamyz-jeltoqsan aılarynda 11,6 mıllıon Tesla aktsııasyn atalmaǵan qaıyrymdylyq maqsattarǵa bergen.
Tesla ınvestorlary Masktyń qazan aıynda alǵan Twitter-ge tym kóp kóńil bóletinine alańdaýshylyq bildirdi. Sol ýaqytta elektromobıl óndirýshisi saladaǵy básekelestiktiń kúsheıýine tap boldy.
