Ilon Mask Starlink jelisiniń ótkizý qabiletin úsh jylda 100 ese arttyrmaq

ASTANA. KAZINFORM — Starlink spýtnıktik jelisiniń ótkizý qabileti aldaǵy eki-úsh jylda 100 ese artýy múmkin. Buǵan jańa býyndaǵy spýtnıkterdi ushyrý esebinen qol jetkizý josparlanyp otyr, dep habarlaıdy TASS.

Ilon Mask Starlink jelisiniń ótkizý qabiletin úsh jylda 100 ese arttyrmaq
Foto: Anadolu

Ilon Masktyń aıtýynsha, qazir orbıtada Starlink jelisiniń shamamen 11 myń spýtnıgi bar. Olardyń basym bóligi ekinshi býynǵa jatady. Kompanııa úshinshi býyndaǵy (V3) spýtnıkterdi ushyrýdy bastap ketken.

Jańa apparattardyń ónimdiligi aldyńǵy úlgilermen salystyrǵanda 10 eseden astam joǵary. Sonymen qatar SpaceX ǵaryshqa ushyrylatyn spýtnıkter sanyn da 10 ese kóbeıtýdi josparlap otyr.

Masktyń pikirinshe, osy eki faktordyń úılesýi aldaǵy 2-3 jylda spýtnıktik jeliniń múmkindigin aıtarlyqtaı keńeıtýge jol ashady.

Budan bólek, kompanııa tórtinshi býyndaǵy (V4) spýtnıkterdi ázirlep jatyr. Kásipkerdiń boljamynsha, olardyń qýaty V3 nusqasynan 10 ese joǵary bolady.

Eske salaıyq, SpaceX AQSh-ta Starship-ke arnalǵan jańa ǵarysh aılaǵyn salatyny habarlanǵan bolatyn.

Buǵan deıin SpaceX kompanııasynyń Starship ǵarysh kemesi alǵash ret Jer orbıtasyna shyǵyp, Starlink jerserikterin ǵaryshqa shyǵardy