Ilon Mask smartfondardyń 2030 jylǵa qaraı joıylatynyn boljady

ASTANA. KAZINFORM – Amerıkalyq bıznesmen jáne SpaceX negizin qalaýshy Ilon Mask dástúrli smartfondar bes jyl ishinde joıylyp ketedi dep sanaıdy, dep habarlaıdy Jibek Joly telearnasy.

Kásipker bul boljamyn telejúrgizýshi Djo Roganǵa bergen suhbatynda aıtty. 

Onyń sózinshe, qazirgi gadjetter 2030 jylǵa qaraı ekransyz nemese dástúrli qosymshalarsyz paıdalanýshylarmen árekettese alatyn jasandy ıntellektpen jumys isteıtin qurylǵylarmen almastyrylady. 

Sonymen qatar, Mask bul qurylǵylar kez kelgen beıne jáne aýdıo mazmundy taldaı alatynyn, adamnyń qalaýyn boljaı alatynyn málimdedi.

Buǵan deıin Mask Grokıpedııanyń iske qosylǵanyn jarııalady.

Kásipkerdiń málimdeýinshe, jańa resýrs qazirgi ýaqytta túpnusqa «Vıkıpedııada» silteme jasaýǵa tyıym salynǵan derekkózder negizinde kontent jasaıdy jáne jalpyǵa qoljetimdi bolady.