Ilon Mask saılaý kúninen beri Tramptyń rezıdentsııasynda turyp jatyr — New York Times

ASTANA. KAZINFORM — Derekkózderdiń habarlaýynsha, Mask Donald Tramptyń jeke rezıdentsııasy ornalasqan Mar-a-Lago aýmaǵyndaǵy kottedjderdiń birin jalǵa alǵan, dep habarlaıdy Kazinform The New York Times-qa silteme jasap. 

Ol turǵan kottedj Banyan dep atalady, prezıdent úıinen birneshe júz fýt qashyqtyqta ornalasqan. Sol aýmaqta turý Maskqa Tramptyń keshki astaryna qatysýǵa múmkindik berdi: máselen, jaqyn arada ol Amazon negizin qalaýshy Djeff Bezospen keshki asty birge ishken. 

Mask — saılanǵan prezıdenttiń Mar-a-Lago menshiginde turyp júrgen jaqyn ortasynyń jalǵyz múshesi emes. Derekkózdiń málimetinshe, kottedjderdiń birinde bolashaq vıtse-prezıdent Djeı Dı Vens te qalǵan.

Tramp álemdegi eń baı adam Masktyń Mar-a-Lagodaǵy turǵyn aýdandardyń birin «jaldap jatqanyn» maqtan etti, dep jazdy NYT. 

Gazettiń jazýynsha, Mask kottedjge qansha tóleıtini belgisiz, ony jaldaý ádette bir túnge keminde 2000 dollar turady. Alaıda ádette qonaqtarǵa tólem shot sońǵy kúni jiberiledi. Osylaısha, Tramp Maskqa shot bermeýi nemese somany azaıtýy ábden múmkin.

Ilon Mask saılaý kúninen beri kottedjde turyp, nátıjelerdi Tramppen birge baqylap kelgen. Ol sol aýmaqtan Rojdestvo merekesine jaqyn kúnderi ketip, jaqyn kúnderi qaıta oralady dep kútilip otyr, dep habarlaıdy New York Times.

Eske sala ketsek, Business Insider JetSpy kómegimen Ilon Masktyń jeke reaktıvti reısterine taldaý jasaldy. Jańalyqtar portalynyń málimetinshe, amerıkalyq mıllıarderdiń eki Gulfstream ushaǵy aǵymdaǵy jyldyń qańtar aıynan jeltoqsan aıynyń ortasyna deıin barlyǵy 355 reıs jasaǵan.