Ilon Mask respýblıkashyldardy qoldaýǵa 158 mln dollar aýdardy
ASTANA. KAZINFORM — Mıllıarder Ilon Mask AQSh Senatyndaǵy respýblıkashyldardy qoldaıtyn negizgi Super PAC uıymyna 158 mıllıon dollar aýdardy, dep habarlaıdy Kazinform agenttigi CBS News-ke silteme jasap.
Ilon Mask 9 qyrkúıekte Senate Leadership Fund PAC qoryna 75 mıllıon dollar, al eki aptadan keıin taǵy 83 mıllıon dollar aýdarǵan. Osylaısha onyń eki iri qaıyrymdylyq jarnasy bıylǵy úshinshi toqsanda saıası komıtetke túsken barlyq qarajattyń jartysynan astamyn qurady.
Qarajat Tehas shtatyndaǵy Senat saılaýynda respýblıkashyl Ken Pakstondy qoldaýǵa arnalǵan Texas PAC qoryna aýdaryldy. Pakston Senattaǵy oryn úshin Demokratııalyq partııanyń kandıdaty Djeıms Talarıkomen básekege túsip jatyr.
Djeıms Talarıko Tehas shtatynda keıingi 30 jyldan astam ýaqyttan beri jeńiske jetken alǵashqy demokrat bolýy múmkin. Saýalnamalar boıynsha, ol qarsylasynan alda keledi. Pakston jeńilse, respýblıkashyldardyń Senattaǵy basymdyǵyn saqtap qalýy qıyndaı túsedi.
Buǵan deıin Donald Tramp respýblıkashyldarǵa bıylǵy aralyq saılaýda Kongresti baqylaýda ustaı almasa, demokrattar oǵan taǵy da ımpıchment jarııalaıtynyn eskertkenin habarlaǵan edik.
