Ilon Mask Pensılvanııadaǵy mıtıng kezinde Donald Trampty qoldady

ASTANA. KAZINFORM – X áleýmettik jelisiniń ıesi Ilon Mask saılaýaldy jıynǵa jınalǵandardy 5 qarashada ótetin saılaýda Trampty qoldaýǵa shaqyrdy, dep habarlaıdy VVS.

AQSh Respýblıkalyq partııasynan prezıdenttikke úmitker Donald Tramp 13 shildede ózine qastandyq jasaýmen aıaqtalǵan saılaý naýqanyn jalǵastyrý úshin Pensılvanııa shtatyndaǵy Batler qalasyna oraldy.

Mıtıngte onymen birge X ıesi Ilon Mask sóz sóılep, jınalǵandardy 5 qarashada ótetin saılaýda Trampty qoldaýǵa shaqyrdy.

Mundaı saılaýaldy shoý Trampqa qubylmaly shtattardyń biri sanalatyn Pensılvanııada daýys jınaýǵa kómektesýi kerek. Saýalnamaǵa sáıkes, ázirge munda onyń qarsylasy, vıtse-prezıdent Kamala Harrıs kósh basynda.

Donald Tramp senbi kúni Pensılvanııa shtatynyń Balter qalasynda ótken mıtıngide sóılegen sózin «Buryn osynda aıtqanymdaı...» dep bastady.

Oq ótpeıtin áınek artynda tyńdap otyrǵan qoldaýshylar bul ázilge qol soqty. Tramp Batlerge sońǵy ret 13 shildede, ózine qastandyq jasalǵan kúni kelgen.

Eske sala ketsek, buǵan deıin AQSh-tyń Pensılvanııa shtatynda saılaýaldy aktsııasy kezinde Donald Trampqa qastandyq jasalǵanyn jazǵan bolatynbyz.

Onyń qulaǵy jaraqattandy, bir mıtıngke qatysýshy qaıtys boldy, taǵy ekeýi aýyr jaraqat aldy. Atqan adamdy qupııa qyzmet óltirgen.

Wall Street Journal basylymy AQSh respýblıkalyq partııasynyń kandıdaty Donald Trampqa oq jaýdyrǵan 20 jastaǵy Tomas Metıý Krýks týraly jańa málimetterdi ashty.

Pensılvanııada onyń qaýipsizdigin snaıperler qamtamasyz etti. Batlerdegi mıtıng kezinde qaýipsizdik sharalary aıtarlyqtaı kúsheıtildi.

«Amerıkada Konstıtýtsııa men demokratııany saqtaý úshin prezıdent Tramp saılaýda jeńiske jetýi kerek. Ol jeńiske jetýi tıis», - dedi Mask.

Ol jınalǵandardy daýys berýge qatysý úshin tirkelýge shaqyrdy.

Ilok Mask Batlerde Trampqa jasalǵan qastandyqty «naǵyz minez synaǵy» dep atady.