Ilon Mask pen Mark Tsýkerberg arasyndaǵy aıqas ejelgi Rım stılinde ótedi
ASTANA. QazAqparat - Mıllıarderler Ilon Mask pen Mark Tsýkerberg arasyndaǵy jekpe-jektiń qaıda ótetini belgili boldy, dep habarlaıdy QazAqparat.
Bul jaıynda X áleýmettik jelisiniń ıesi Ilon Mask óz paraqshasynda málimet taratty.
Onyń aıtýynsha, atalmysh aıqasty óziniń jáne Tsýkerbergtiń qory uıymdastyrady.
Osylaısha Mask munyń aldyndaǵy «jekpe-jek UFC alańynda ótedi» degen aqparatty joqqa shyǵardy.
Tikeleı efır X platformasynda (burynǵy Twitter jelisinde-red.) jáne Tsýkerbergke tıesili Meta-da kórsetiledi.
«Kameraǵa túsetin búkil kórinis ejelgi Rım stılinde bolady, demek zamanaýı eshteńe kútpeńder. Men Italııanyń premer-mınıstrimen jáne mádenıet mınıstrimen sóılestim. Olar sharany epıkalyq orynda ótkizýge kelisti»,-dep jazdy Ilon Mask paraqshasynda.
Mıllıarderdiń sózine qaraǵanda, túsken qarajat túgel ardagerlerge aýdarylady.
Eske salaıyq, buǵan deıin Ilon Mask Mark Tsýkerbergke qarsy jekpe-jekke qyzý daıyndyq júrgizip jatqanyn habarlaǵan edi.
Qos mıllıarderdiń oktagonda judyryqtasý ıdeıasy 20 maýsymda týǵan.
Italııa úkimeti aıqasty Rım Kolızeıinde uıymdastyrý úshin Mark Tsýkerbergpen baılanysqa shyqqan.
Jekpe-jek 26 tamyzda ótýi múmkin.
