Ilon Mask Mark Tsýkerbergke qarsy jekpe-jekke qyzý daıyndyq ústinde
NЬıÝ-IORK. QazAqparat – Ilon Masktiń sparrıng-seriktesiniń biri Mark Tsýkerbergpen yqtımal jekpe-jekke daıyndyq barysynan fotosýretter jarııalady. QazAqparat bul týraly Fox News-ke silteme jasap habarlaıdy.
«Keshe Ilon Maskpen birneshe saǵat ımprovızatsııalanǵan jattyǵý ótkizdim», - dep jazdy Massachýsets tehnologııa ınstıtýtynyń ǵalymy Leks Frıdman Twitter-de.
Frıdman jattyǵý barysynan eki fotosýretpen bólisti. Kadrlardyń birinde Ilon Mask qarsylasynyń qolyn qaıyryp jatqanyn kórýge bolady. Ekinshisinde Mask ony jambasynan asyra laqtyryp jatyr.
«Onyń kúshi, qýaty men sheberligine tántimin», - dep jazǵan Frıdman: «Ilon men Mask jekpe-jek ónerimen aınalysatyny rasymen de shabyttandyrady. Degenmen, ekeýi tordyń ishinde tóbelespeı, jekpe-jek ónerimen aınalyssa, álem jaqsyraq bola túser edi», - dep qosty.
Jarııalanǵan fotosýretterge pikir qaldyrǵan I.Mask: «Bul kóńildi boldy!», - dep jazdy.
Qos mıllıarderdiń oktagonda jekpe-jek ótkizýine qatysty ıdeıa 20 maýsymda týyndaǵan bolatyn.
I.Mask pen Meta-nyń ózge qoldanýshylary platforma jaıyn jáne Tsýkerbergtiń Twitter-ge uqsas básekeles platforma ázirlep jatqanyn talqylaýǵa jınalǵan edi. Bir mezette I.Mask Facebook jáne Instagram áleýmettik jelileriniń ıesi – Meta-nyń bas dırektory Mark Tsýkerbergpen baqtalastyqty oktagonda sheshýdi usyndy.
Keıinnen M.Tsýkerberg bul usynysty qabyldady.
UFC prezıdenti Dana Ýaıttyń sózinshe, qos mıllıarder yqtımaldy jekpe-jekke shynaıy kirisip jatyr. Aıtýynsha, tanymal eki tulǵanyń aıqasy «álem tarıhyndaǵy eń úlken jekpe-jek» bolýy múmkin.
«Bul aqyly kórsetilimder boıynsha barlyq rekordtardy ornatatyn bolady. Jigitter qaıyrymdylyqqa júzdegen mıllıon dollar jınaı alady. Bul jekpe-jekke kóz tigý úshin fanat bolýdyń qajeti joq. Barlyǵy ony kórgisi keledi», - dedi ol.
Twitter, SpaceX jáne Tesla ıegeri Ilon Mask udaıy jattyqpaıtynyn aıtty, alaıda «buryn dzıýdo, kıokýshınkaı jáne erejesiz jekpe-jekpen aınalysqanyn» jetkizdi.
Al Marks Tsýkerberg bolsa, bir jyldan astam brazılııalyq djıý-djıtsýmen, ózin-ózi qorǵaý jaýyngerlik ónerimen aınalysyp keledi, tipti áýesqoı týrnırde jeńiske jetken.
I.Mask aıqasty Las-Vegasta, UFC oktagonynda ótkizýdi usyndy. Alaıda kezdesýdiń datasy áli jarııalanǵan joq.
